19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Վերջին մեկ տարում Երևանում 11 000 նոր մեքենա է գրանցվել․ Ավինյանը՝ խցանումների մասին․ ՏԵՍԱՆՅՈՒԹ
Տեսանյութեր
31.10.2025 | 14:52
«Խցանումները տնտեսական որաշակի ակտիվության հետևանք են, սա նշանակում է, որ մարդիկ ավելի շատ ավտոմեքենաներ են գնում և նրանց հնարավորությունները որոշակի ավելանում են։ Միայն Երևան քաղաքում վերջին մեկ տարվա ընթացքում 11 հազար նոր ավտոմեքենա է գրանցվել»,- այս մասին ԱԺ մշտական հանձնաժողների բյուջետային նիստում ասաց Երևանի քաղաքապետ Տիգրան Ավինյանը՝ պատասխանելով ՔՊ-ական պատգամավոր Զարուհի Բաթոյանի՝ խցանումների մասին հարցին։
Նա տեղեկացրեց, որ խցանումների կառավարման ճգնաժամային հանձնաժողովը ստեղծվել է և կայացել է առաջին նիստը։ Ավինյանը նշեց, որ ճգնաժամային այս հանձնաժողովի հիմնական ճանապարհը, որով կարող է գնալ, կրկին անգամ կենտրոնանում է հանրային տրանսպորտի հնարավորությունների, գծերի ավելացման վրա, անձնական ավտոմեքենաների վրա սահմանափակումներ դնելուն և տեխնոլոգիական լուծումներին։
«Անկյունաքարային խաչմերուկներում պետք է տեխնոլոգիական լուծումներով լուսացույցներ ունենալ, որոնք նաև հաշվի կառնեն հոսքերը, ինքնակարգավորման եղանակով տարբեր ժամերի կփոխեն իրենց ռեժիմները»,-ասաց Երևանի քաղաքապետը։
Մանրամասները՝ տեսանյութում։
Մանյա Պողոսյան
