05.10.2026 | 19:01
Միրզոյան–Ղալիբաֆ հանդիպմանը կարևորվել է Հայաստան–Իրան ռազմավարական համագործակցության խորացումը
էն տարիներին գումար էին տալիս, որ հերթն առաջ գցեին․ Արարատի մարզպետը՝ խաղողի մթերման մասին․ ՏԵՍԱՆՅՈՒԹ
Հասարակություն
31.10.2025 | 14:10
Արարատի մարզպետ Սեդրակ Թևոսյանը ԱԺ մշտական հանձնաժողովների համատեղ բյուջետային նիստում վստահեցրեց, որ այս տարի խաղողի մթերման գործընթացում խնդիրներ չեն եղել։ Ըստ մարզպետի՝ խաղողագործները գոհ են նաև մթերման գներից։
ՔՊ պատգամավոր Սերգեյ Բագրատյանը մարզպետին հիշեցրեց, որ խաղողագործները հիմնականում դժգոհում են օրերով գործարանների դիմաց հերթ կանգնելուց, իսկ այդ ընթացքում խաղողը փչանում է։ Պատգամավորը հետաքրքրվեց՝ արդյոք մարզային իշխանությունները քայլեր ձեռնարկում են խնդիրը լուծելու համար։
«Խնդրին ծանոթ եմ․ մի դեպք է միայն գրանցվել, երբ խաղողագործը Արմավիրից բերքը բերել էր և հերթ կանգնել։ Առաջ հինգ-վեց օր հերթի մեջ էին կանգնում, էն տարիներին գումար էին տալիս, որ հերթն առաջ գցեին, կամ էլ պետք է ծանոթ խառնեին, հիմա նման բան չկա»,- նշեց նա։
Մանրամասները՝ տեսանյութում։
Մանյա Պողոսյան
