31.10.2026 | 15:07
Միրզոյանն ու Լիբանանի ԱԳ նախարարը քննարկել են երկկողմ համագործակցության զարգացումը
Հաջիևն ադրբեջանական կողմում հաղորդակցությունների կառուցման աշխատանքներից տեսանյութ է հրապարակել` այն անվանելով «Զանգեզուրի միջանցք»
31.10.2025 | 13:54
Ադրբեջանի նախագահ Իլհամ Ալիևի օգնական Հիքմեթ Հաջիևը կրկին խոսել է, այսպես կոչված, «Զանգեզուրի միջանցքի» մասին՝ հայտարարելով ադրբեջանական կողմում շինաշխատանքները մոտենում են ավարտին։
«Զանգեզուրի միջանցքը դեպի Ադրբեջան-Հայաստան սահման մոտենում է ավարտին։ Ադրբեջանը տեղում քրտնաջան աշխատում է տարածաշրջանային տրանսպորտային և լոգիստիկ կապեր հաստատելու ուղղությամբ»,- գրել է Հաջիևը X-ի իր միկրոբլոգում ու տեսանյութ հրապարակել։
Ադրբեջանական լրատվամիջոցների հաղորդմամբ՝ Հաջիևի ուղեկցությամբ երկրում հավատարմագրված դիվանագիտական կորպուսի ներկայացուցիչներն այցելել են գրավյալ Արցախի Կովսականի շրջան։
Նշվում է, որ դիվանագետներն այցելել են Հակարի երկաթուղային կայարան։
Հավելենք, որ, մասնավորապես, Վաշինգտոնում օգոստոսի 8-ին ստորագրված համաձայնագրերով որևէ «Զանգեզուրի միջանցքի» մասին խոսք չկա։ Դրանցում նշվում է «Թրամփի երթուղու» (TRIPP) մասին, սակայն Բաքվի քարոզչամեքենան ու ադրբեջանցի պաշտոնյաները, այդ թվում՝ Թուրքիայի նրանց որոշ գործընկերներ, շարունակում են «միջանցք» եզրույթն օգտագործել՝ խեղաթյուրելով նաև ստորագրված փաստաթղթերի բովանդակությունը։
Թարգմանությունը՝ Էմմա Չոբանյանի
