31.10.2026 | 22:55
Հայտնաբերվել է զինծառայողի դի. ՊՆ
ԵՄ-ն ՀՀ-ին 5 մլն եվրոյի չափով ֆինանսական աջակցություն կտրամադրի միջուկային անվտանգության և ճառագայթային պաշտպանության ամրապնդման համար
Քաղաքականություն
31.10.2025 | 12:14
Կառավարությունը հոկտեմբերի 30-ին հավանություն է տվել Հայաստանի Հանրապետության և Եվրոպական հանձնաժողովի միջև «Միջուկային անվտանգության և ճառագայթային պաշտպանության ամրապնդումը Հայաստանում» ֆինանսավորման համաձայնագրի ստորագրման առաջարկությանը:
ՀՀ-ի և Եվրոպական հանձնաժողովի միջև «Միջուկային անվտանգության և ճառագայթային պաշտպանության ամրապնդումը Հայաստանում» ֆինանսավորման համաձայնագրի հիմնական նպատակն է աջակցել Հայաստանում միջուկային անվտանգության և ճառագայթային պաշտպանության ամրապնդմանը։
Համաձայնագրի շրջանակներում Հայաստանի Հանրապետությանը կհատկացվի 5 մլն եվրոյի չափով ֆինանսական աջակցություն լուծելու հետևյալ հիմնախնդիրները՝ Հայաստանի սթրես-թեստի արդյունքում մշակված միջոցառումների ազգային պլանում ներառված և դեռևս չիրականացված միջոցառումների համար լրացուցիչ աջակցության տրամադրումը՝ Հայկական ատոմային էլեկտրակայանի (ՀԱԷԿ) միջուկային անվտանգության բարձրացման նպատակով՝ հաշվի առնելով Ֆուկուսիմայի ԱԷԿ-ի վթարից հետո քաղած դասերը (ներառյալ՝ վթարների դեպքում ջրածնի առաջացմամբ կապված վտանգները), աջակցության տրամադրում միջուկային ոլորտը կարգավորող հայաստանյան մարմնին՝ ՀՀ միջուկային անվտանգության կարգավորման կոմիտեին և Միջուկային ու ռադիացիոն անվտանգության գիտատեխնիկական կենտրոնին։
«Այս համաձայնագիրը հանդիսանում է 2024-ին ընդունված համաձայնագրի շարունակություն, որով ՀՀ-ին արդեն իսկ հատկացվել է 12,9 միլիոն եվրո ֆինանսական միջոցներ, որը կուղղվի արտանախագծային ռիսկերի կառավարմանը, մասնակվորապես՝ ջրածնով պայմանավորված ռիսկերի նվազեցմանը»,- կառավարության նիստի ընթացքում նշել է Տարածքային կառավարման և ենթակառուցվածքների նախարար Դավիթ Խուդաթյանը։
Ընդգծվում է՝ կոմիտեի և կենտրոնի կարողությունների բարձրացումը հնարավորություն կտա՝ դիտարկել ՀԱԷԿ-ի կողմից ներկայացված «Անվտանգության պարբերական հաշվետվությունը», գնահատել ՀԱԷԿ-ի անվտանգության մակարդակի համապատասխանությունը անվտանգության գործող կանոնների և նորմերի պահանջներին, գնահատել ՀԱԷԿ-ի սթրես-թեստի ազգային պլանում և անվտանգության բարձրացման ծրագրում ներառված միջոցառումների իրականացումը, հասնել միջուկային անվտանգության մշակույթի, միջուկային անվտանգության ու ճառագայթային պաշտպանության չափանիշների արդյունավետ իրականացմանը։
Եվգենյա Համբարձումյան
