19.05.2026 | 19:17
Հրապարակվել է Հայաստանի և Լիտվայի միջև ռազմավարական գործընկերության մասին համատեղ հռչակագրի տեքստը
Ավելի քան 650 ԱԹՍ և 50 հրթիռ․ Զելենսկին՝ ռուսական զորքերի հարվածի մասին
Քաղաքականություն
30.10.2025 | 15:55
Ռուսական ուժերը լույս հինգշաբթի գիշերը կրկին հարձակվել են Ուկրաինայի վրա հրթիռներով և անօդաչու թռչող սարքերով: Ուկրաինայի նախագահ Վլադիմիր Զելենսկիի խոսքով՝ Վիննիցայի, Կիևի, Նիկոլաևի, Չերկասիի, Պոլտավայի, Դնեպրի, Չեռնիգովի, Սումիի, Իվանո-Ֆրանկովսկի և Լվովի մարզերի էներգետիկ ենթակառուցվածքների օբյեկտները հարվածի տակ են հայտնվել, գրում է BBC-ի ռուսական ծառայությունը։
«Մեր շատ շրջաններում գիշերը ռուսական հարձակումից հետո շարունակվում են արտակարգ և փրկարարական գործողությունները։ Բարդ, համակցված հարված էր. ավելի քան 650 անօդաչու թռչող սարք և տարբեր տեսակի ավելի քան 50 հրթիռ, այդ թվում՝ բալիստիկ և աէրոբալիստիկ հրթիռներ։ Շատերը խոցվել են, բայց, ցավոք, կան հարվածներ»,- գրել է Վլադիմիր Զելենսկին իր սոցցանցերում։
Նա կրկին կոչ է արել շարունակել Ռուսաստանի վրա ճնշումը։
«Մեզ անհրաժեշտ է նոր ճնշում Ռուսաստանի նավթագազային արդյունաբերության և ֆինանսների վրա, ինչպես նաև երկրորդական պատժամիջոցներ՝ այս պատերազմը հովանավորողների նկատմամբ»,- հայտարարել է Ուկրաինայի նախագահը։
Թարգմանությունը՝ Էմմա Չոբանյանի
