16.02.2026 | 12:19
Ուկրաինայի էներգետիկայի նախկին նախարար Գալուշչենկոյին փողերի լվացման մեղադրանք է առաջադրվել
Հայաստանի և Թուրքիայի սահմանի բացման համար էական խոչընդոտ չկա․ Փաշինյան․ ՏԵՍԱՆՅՈՒԹ
Քաղաքականություն
30.10.2025 | 12:21
«Շատ դրական երկխոսություն ունենք Թուրքիայի հետ։ Կարծում եմ՝ Թուրքիայի հետ դիվանագիտական հարաբերությունների հաստատումն ու սահմանի բացումն ընդամենը ժամանակի հարց է, քանի որ հիմա որևէ էական խոչընդոտ չկա»,- այս մասին Փարիզի Խաղաղության 8-րդ ֆորումի շրջանակում անցկացված «Առաջնորդության խաչմերուկներում» խորագրով քննարկման ժամանակ հայտարարել է վարչապետ Նիկոլ Փաշինյանը։
Հայաստանի կառավարության ղեկավարը, սակայն, նշել է, որ ստույգ չի կարող ասել, թե երբ կարող է հայ-թուրքական սահմանը բացվել։
«Թե ինչքան արագ դա տեղի կունենա, արդեն այլ հարց ու այլ խնդիր է։ Ես կարծում եմ, որ մենք հասնում ենք մի հանգրվանի, որում կունենանք լիարժեք դիվանագիտական հարաբերություններ, բաց սահմաններ, տնտեսական, քաղաքական համագործակցություն և կլինենք նորմալ հարևաններ։ Հավատում եմ, որ այդ պահը մոտենում է, գալիս է, այդ պահը շուտով կգա»,- ընդգծել է Փաշինյանը։
Մանրամասները՝ տեսանյութում։
Մանյա Պողոսյան
