24.06.2026 | 09:52
Ձերբակալվել է Ավետիք Չալաբյանը
Մենք երկար ժամանակ բանակցում էինք, որ Ղազախստանից ցորենի ձեռքբերման հնարավորություն լինի. Պապոյան․ ՏԵՍԱՆՅՈՒԹ
Տնտեսություն
28.10.2025 | 14:24
«Մենք երկար ժամանակ բանակցում էինք, որ Ղազախստանից ցորենի ձեռքբերման հնարավորություն լիներ, բայց դա բավականին թանկ էր ստացվում՝ 280 դոլար և ավելի, որովհետև տրանսպորտային շատ մեծ ծախսեր կային, իսկ նոր հաղորդուղու պարագայում բավականին էժանանում է»,- այս մասին ԱԺ մշտական հանձնաժողովների համատեղ նիստին տեղեկացրեց ՀՀ էկոնոմիկայի նախարար Գևորգ Պապոյանը:
«Չինաստանի սահմանից Իրանով դեպի Հայաստան ներկրումները կազմում են 14-20 օր, եթե առանց հերթերի են լինում։ Բայց պրակտիկայում տենց բան չի լինի, իրականում մոտ 20 օր է, այդ պրոցեսը բավականին երկար է։ Եթե երկաթգիծ-վագոն ցամաքային մոդելը նայենք, մոտավորապես 40-50 օր է կազմում։ Իսկ եթե Ղազախստան-Ադրբեջան ծովային ճանապարհը նայենք, այնուհետև՝ Վրաստան-Հայաստան, մեր հաշվարկով կկազմի մոտավորապես 10 օր, կարող է 1-2 օր տատանվել»,- մանրամասնեց նախարարը։
Հիշեցնենք՝ էկոնոմիկայի նախարար Գևորգ Պապոյանը գրել էր, որ շուտով Ակտաու-Բաքու, այնուհետև՝ ադրբեջանական ու վրացական երկաթգծով ՀՀ կմտնի ղազախական ցորենի առաջին խմբաքանակը:
Ավելի վաղ Ադրբեջանի նախագահ Իլհամ Ալիևը հայտարարել էր, որ Ադրբեջանը վերացրել է դեպի Հայաստան բեռների տարանցման բոլոր սահմանափակումները:
Մանրամասները՝ տեսանյութում։
Մանյա Պողոսյան
