28.04.2026 | 23:24
Երևանում երթևեկության փոփոխություն կկատարվի
ՀՀ ԱԱԾ տնօրենը Թբիլիսիում հանդիպել է վրացի գործընկերոջ հետ
Քաղաքականություն
26.10.2025 | 18:37
Տարածաշրջանային մարտահրավերներն ու անվտանգության ոլորտում համագործակցության զարգացման հնարավորությունները քննարկվել են Թբիլիսիում՝ Վրաստանի պետական անվտանգության ծառայության ղեկավար Մամուկա Մդինարաձեի և նրա հայկական գործընկեր Անդրանիկ Սիմոնյանի հանդիպման ընթացքում, հաղորդում է Վրաստանի ԱԱԾ մամուլի ծառայությունը։
Կողմերը նշել են երկու երկրների համապատասխան կառույցների միջև երկկողմանի համակարգման և տեղեկատվության փոխանակման կարևորությունը։ Մդինարաձեն իր գործընկերոջը ներկայացրել է Կովկասում խաղաղության ապահովման ու ամրապնդման գործում Վրաստանի դրական դերը։
Վրաստանի պետական անվտանգության ծառայության ղեկավարը շնորհակալություն է հայտնել Սիմոնյանին այցի համար՝ ընդգծելով դրա կարևորությունը։
Հանդիպմանը մասնակցել են նաև երկու գերատեսչությունների ղեկավարների տեղակալներն ու համապատասխան կառուցվածքային ստորաբաժանումների ներկայացուցիչները։
