01.11.2026 | 11:33
Ուկրաինայում պատերազմը տեղափոխվել է նաև ստորգետնյա գազատարներ․ զինվորականները մարտեր են վարում խողովակաշարերում․ ԼՈՒՍԱՆԿԱՐՆԵՐ
Ուկրաինայի Կիրովոգրադի մարզի 19 բնակավայրեր ռուսական հարվածի հետևանքով մնացել են առանց էլեկտրաէներգիայի
Քաղաքականություն
24.10.2025 | 13:10
Ռուսական զորքերը հոկտեմբերի լույս 24-ի գիշերը հարվածներ են հասցրել Ուկրաինայի մի քանի շրջանների։ Կիրովոգրադի մարզում հարվածներ են հասցվել կարևորագույն ենթակառուցվածքային օբյեկտներին, փոխանցում է Current time-ը։
«Այս անգամ հարված Նովոուկրաինսկի շրջանի տարածքին։ Նախնական տվյալներով՝ զոհեր չկան»,- ասել է շրջանային ռազմական վարչակազմի ղեկավար Անդրեյ Ռայկովիչը՝ հավելելով, որ 19 բնակավայր մնացել է առանց էլեկտրաէներգիայի։
Հարձակման հետևանքով վնասվել են Կիրովոգրադի, Խարկովի և Սումիի մարզերի երկաթուղային ենթակառուցվածքները։
«Ուկրզալիզնիցան» հայտնել է, որ որոշ գնացքներ ուշացել են. ընկերությունն օգտագործում է համակցված տրանսպորտ, պահեստային քարշակ և շրջանցող երթուղիներ։
Խերսոնում ռուսական ուժերը հարվածել են Կորաբելնի շրջանին, որի հետևանքով վիրավորվել է 6 մարդ, այդ թվում՝ 16-ամյա դեռահաս: Ըստ տարածաշրջանային ռազմական վարչակազմի ղեկավար Ալեքսանդր Պրոկուդինի՝ վնասվել են բնակելի շենքեր և մասնավոր տներ։
Վարչակազմի տելեգրամ ալիքը ավելի ուշ հաղորդել է, որ տուժածների թիվը հասել է 10-ի, իսկ մեկ կին մահացել է։
Թարգմանությունը՝ Էմմա Չոբանյանի
