Թող Եզրասը դատի տա վարչապետին, ասի՝ զրպարտում է ԿԳԲ ագենտ լինելու մեջ․ վերջապես բացե՛ք արխիվները․ Հովսեփ Խուրշուդյան․ ՏԵՍԱՆՅՈւԹ

Նոր զարգացումներ են ստանում բարձրաստիճան հոգևորականներ և աշխարհիկ իշխանություն հակասությունները։ Վարչապետն ԱԺ ամբիոնից Գարեգին 2-րդ կաթողիկոսին անվանեց կարգալույծ արված՝ պահանջել է Փաշինյանի հեռացում, բայց ժողովուրդն իրեն է ընտրել։ Ու նաև՝ կիրակի վարչապետը կլինի Հովնանավանքում, ուր Տեր Արամը պատարագ է մատուցելու՝ այն դեպքում, երբ նրան կարգալույծ են հռչակել։ Վարչապետն ըստ էության՝ ԱԺ ամբիոնից հղում արեց իշխանական մամուլում, ընդ որում՝ ընտանեկան մամուլին, նախկին հոգևորականի պնդումներին, ըստ որոնց, մի դեպքում՝ Մայր Աթոռի բարձրաստիճան մի հոգևորականին մեղադրեց նույնասեռական հակումների մեջ, և դա մեկնաբանեց իբրև հաստատված փաստ։ Մյուս պարագայում ասաց՝ Գարեգին Բ-ի եղբայր Եզրաս արքեպիսկոպոս Ներսիսյանը ԿԳԲ-ի գործակալ է։

«Ազատ քաղաքացի» ՀԿ նախագահ Հովսեփ Խուրշուդյանը Factor TV-ի հետ զրույցում մեկնաբանելով վարչապետի հայտարարության արժանահավատության հարցը, պատասխանում է․ «Իշխանությունն ավելի լուրջ փաստեր ունի եկեղեցական վերնախավի հանդեպ․ ԿԳԲ-ի սպասարկու լինելուն է առնչվում։ Թող Եզրասը դատի տա վարչապետին, ասի՝ զրպարտում է ԿԳԲ ագենտ լինելու մեջ․ վերջապես բացե՛ք արխիվները։ Փաշինյա՛ն, լյուստրացիա՛ արեք, բացահայտե՛ք ԿԳԲ-ի գործակալներին․ նա սրբազան է անվանվում, բայց գործակալ է եղել։ Ուզում են՝ Նիկոլ Փաշինյանի գլխին նոր Իվանիշվիլի բերել, բայց Սամվել Կարապետյանը չի ձգում։ Վտանգված ենք ԿԳԲ-ի գործակալներով, արխիվները ՖՍԲ-ին են փոխանցվել, ՀՀ-ի դավաճաններ կարող են դարձնել նրանց։ Փաշինյանը բաց մեղադրեց ԿԳԲ-ի գործակալ լինելու մեջ․ հասունացել է Լյուստրացիայի մասին օրենքի ընդունման պահը»,- ասաց պարոն Խուրշուդյանը։

Հարցազրույցն ամբողջությամբ՝ տեսանյութում։

Ռոբերտ Անանյան