21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Չինական պետական նավթային ընկերությունները դադարեցրել են ռուսական նավթի գնումները
Քաղաքականություն
23.10.2025 | 21:05
Չինական պետական նավթային ընկերությունները դադարեցրել են ռուսական նավթի գնումները։ Այս մասին հայտնում է Reuters-ը, որին վկայակոչում է BBC-ի ռուսական ծառայությունը։
Սա պայմանավորված է «Ռոսնեֆտ»-ի և «Լուկօյլ»-ի դեմ ԱՄՆ պատժամիջոցներով, գրում է Reuters-ը՝ հղում անելով տեղեկացված աղբյուրներին։ Խոսքը չինական ազգային PetroChina, նաև Sinopec-ը, CNOOC- և Zhenhua Oil ընկերությունների մասին է։
Գործակալությունը հայտնում է, որ այս ընկերությունները ձեռնպահ կմնան ռուսական ծովային նավթի առևտրից, առնվազն կարճաժամկետ հեռանկարում։
Ավելի վաղ էլ հաղորդվել էր, որ հնդկական նավթային ընկերությունները սկսել են վերանայել Ռուսաստանից նավթի մատակարարման պայմանագրերը՝ բացառելու «Ռոսնեֆտ»-ից և «Լուկօյլ»-ից գնումները՝ նրանց դեմ ԱՄՆ պատժամիջոցների սահմանումից հետո։
Թարգմանությունը՝ Էմմա Չոբանյանի
