28.04.2026 | 21:14
Թուրքիայում մայիսի 1-ի տոնակատարություններից առաջ տասնյակ մարդիկ են ձերբակալվել
Ուկրաինական ԱԹՍ-ները հարձակվել են Դաղստանի և Մորդովիայի ձեռնարկությունների վրա․ ՏԵՍԱՆՅՈՒԹ
Քաղաքականություն
22.10.2025 | 13:15
Ուկրաինական ԱԹՍ-ները հոկտեմբերի լույս 22-ի գիշերը հարձակվել են Դաղստանի ձեռնարկություններից մեկի վրա։ Այս մասին հայտնել է հանրապետության ղեկավար Սերգեյ Մելիկովը, գրում է Meduza-ն։
Նրա խոսքով՝ ներկայում զոհերի կամ տուժածների մասին տեղեկություններ չկան, իսկ վնասի մասին տվյալները ճշտվում են։ Մելիկովը չի մանրամասնել, թե որ ձեռնարկության մասին է խոսքը։
Astra տելեգրամ ալիքը հրապարակել է տեսանյութ, որտեղ երևում է անօդաչու թռչող սարք։ Ըստ ալիքի՝ տեսանյութը նկարահանվել է Մախաչկալայում։ Ձայնագրության մեջ լսվում է պայթյունի ձայն։
ԱԹՍ-ները գրոհել են նաև Մորդովիան, հայտնել է հանրաետության ղեկավար Արտյոմ Զդունովը։ Ձեռնարկություններից մեկը վնասվել է։
«Արտակարգ իրավիճակների ծառայությունները աշխատում են դեպքի վայրում, և բոլոր անհրաժեշտ ուժերն ու ռեսուրսները տեղակայվել են»,- ասել է նա՝ առանց լրացուցիչ մանրամասներ հաղորդելու։
Ռուսաստանի պաշտպանության նախարարությունը հայտնել է, որ գիշերը Ռուսաստանի տարածքում և բռնակցված Ղրիմում ժամանակ խոցվել է 33 ուկրաինական անօդաչու թռչող սարք։ Ութ անօդաչու թռչող սարք ոչնչացվել է Բրյանսկի մարզում, չորսական՝ Ազովի ծովում և Լենինգրադի մարզում, երեքական՝ Ղրիմում, Ռոստովի մարզում, Պսկովի մարզում և Սև ծովում, երկուական՝ Նովգորոդի մարզում և մեկական՝ Օրյոլի, Տվերի և Տուլայի մարզերում։
ՊՆ-ն չի հաղորդել Մորդովիայի և Դաղստանի վրա անօդաչու թռչող սարքերի մասին։
«Ռոսավիացիա»-ն էլ հայտնել է, որ գիշերը Կալուգայի, Պենզայի, Պսկովի, Կրասնոդարի, Յարոսլավլի, Վլադիկավկազի, Գրոզնիի և Մախաչկալայի օդանավակայանները փակվել են ինքնաթիռների ընդունման և ուղարկման համար։
Թարգմանությունը՝ Էմմա Չոբանյանի
