25.08.2026 | 11:25
Չեմ տեսել` հանրությունը պահանջի, որ Քոչարյանի որդիները չժառանգեն այս բնակարանը. Սուքոյան․ ՏԵՍԱՆՅՈՒԹ
Փաշինյանը դատի է տվել և 1 մլն դրամ է պահանջում լրատվամիջոցից․ պատճառը «Փաշինյանը դավաճանո՞ւմ է արդյոք կնոջը» վերնագրով հրապարակումն է
Քաղաքականություն
22.10.2025 | 13:24
Վարչապետ Նիկոլ Փաշինյանը հայցադիմում է ներկայացրել դատարան ընդդեմ «Հրապարակ» օրաթերթի։ Նա պահանջում է լրատվամիոջոցին պարտավորեցնել հրապարակայնորեն հերքել հոդվածներից մեկում տեղ գտած և իր կարծիքով զրպարտություն համարվող փաստացի տվյալները։
Խոսքը «Փաշինյանը դավաճանո՞ւմ է արդյոք կնոջը» վերնագրով հրապարակման մասին է։ Հայցվող կողմը պահանջում է, որ հերքումը նման տեքստով ուղեկցվի․ «․․․Հայտնում ենք, որ այդ հոդվածում հրապարակված տեղեկությունները ամբողջությամբ զրպարտում են ՀՀ Վարչապետ Նիկոլ Փաշինյանին և չեն համապատասխանում իրականությանը»։
Բացի այդ, վարչապետի ներկայացուցչները պահանջում են, որպեսզի հրապարակումը պահպանվի կայքում առանց ժամկետի սահմանափակման, հրապարակմանը տրվի կայքի, էջի, ալիքի այցելուներին ցուցադրելու նույն առաջնահերթությունը, ինչ «զրպարտող տեղեկություններ պարունակող հոդվածն է»: Բացի այդ, հրապարակվող տեքստը չպետք է պարունակի «Հրապարակ»-ի կողմից որևէ այլ մեկնաբանություն կամ գրառում։
Գործը մակագրվել է դատավոր Նելլի Հարությունյանին։
Բացի այդ, Նիկոլ Փաշինյանը պահանջում է հօգուտ իրեն բռնագանձել 1 միլիոն դրամ փոխհատուցում՝ որպես զրպարտության հետևանքով պատճառված ոչ նյութական վնաս:
Եվգենյա Համբարձումյան
