25.08.2026 | 12:58
Մեծ Բրիտանիայի վարչապետը սեպտեմբերին կմեկնի ԱՄՆ՝ համոզելու Թրամփին օգնել Ուկրաինային Patriot-ների զինամթերքով
Վարդան Ղուկասյանի վերաբերյալ գործով կալանավորվել է ևս երկու անձ, այդ թվում՝ Գյումրիի գլխավոր ճարտարապետը
Հասարակություն
21.10.2025 | 17:53
Գյումրի համայնքի մի խումբ պաշտոնատար անձանց կողմից կաշառք ստանալու, վերջիններիս կաշառք տալու, ինչպես նաև նույն պաշտոնատար անձանց կողմից խմբի կազմում, նախնական համաձայնությամբ իրենց լիազորությունները չարաշահելու առերևույթ հանցագործությունների դեպքերի առթիվ նախաձեռնված քրեական վարույթի շրջանակում ձերբակալված ևս երկու անձանց`այդ թվում՝ գլխավոր ճարտարապետի նկատմամբ որպես խափանման միջոց է կիրառվել կալանքը: Այս մասին Factor TV-ի հարցին ի պատասխան հայտնեցին Հակակոռուպցիոն կոմիտեից։
Նշենք, որ առավոտյան հայտնել էինք նաև, որ կալանավորվել է նաև Գյումրիի համայնքապետ Վարդան Ղուկասյանը, ևս մեկ անձի՝ կաշառք տալու մեջ մեղադրվողի նկատմամբ էլ տնային կալանքն է ընտրվել որպես խափանման միջոց։
Հիշեցնենք, որ երեկ իրավապահները Գյումրիի համայնքապետարանում խուզարկություններ են իրականացրել, որից հետո Վարդան Ղուկասյանն ու 7 անձ ձերբակալվել է կաշառքի վերաբերյալ գործի շրջանակներում։
Ղուկասյանը մեղադրանքը չի ընդունում։
Արաքս Մամուլյան
