Ֆրանսիայի նախկին նախագահ Սարկոզին ժամանել է Փարիզի բանտ՝ կրելու 5 տարվա ազատազրկման պատիժը․ ՏԵՍԱՆՅՈՒԹ

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ֆրանսիայի նախկին նախագահ Նիկոլա Սարկոզին երեքշաբթի՝ հնգամյա ազատազրկման առաջին օրը, մտել է Փարիզի բանտ։ Սա առաջին դեպքն է ժամանակակից Ֆրանսիայի պատմության մեջ, երբ երկրի նախկին ղեկավարը բանտարկվում է, գրում է CNN-ը։

Սարկոզին երեքշաբթի առավոտյան տարվել է բանտային համալիր՝ տնից դուրս գալիս ձեռքով ողջունելով իր կողմնակիցներին։ Նրան տեղափոխող մեքենան շրջապատված է եղել տասնյակ ոստիկանական մոտոցիկլետներով և մեքենաներով, որոնք նախկին նախագահին ուղեկցել են դեպի Փարիզի հարավում գտնվող Լա Սանտե բանտ։

Սարկոզին անցյալ ամիս դատապարտվել էր հինգ տարվա ազատազրկման հանցավոր դավադրության համար՝ Լիբիայից ստացված միջոցներով իր 2007 թվականի նախագահական քարոզարշավը ֆինանսավորելու սխեմային մասնակցելու համար։

Ֆրանսիայի նախկին նախագահը, որը պաշտոնը լքել է 2012 թվականին, մտադիր է բողոքարկել որոշումը, սակայն մինչ այդ, ինչպես սպասվում է, նա կզբաղեցնի կա՛մ մենախցիկ, կա՛մ Լա Սանտե բանտային համալիրի, այսպես կոչված, «VIP թևը»։ Այն սովորաբար նախատեսված է այն կալանավորների համար, որոնց հարմար չէ պահել բանտի ընդհանուր կալանավորների շրջանում՝ նրանց անվտանգության համար մտավախությունների պատճառով։

Այդ անձանց թվում կարող են լինել քաղաքական գործիչներ, նախկին ոստիկաններ, ծայրահեղ աջ կազմակերպությունների անդամներ կամ իսլամիստական ​​ահաբեկչական խմբավորումների հետ կապված անձինք։ Սարկոզին X-ում տարածված հայտարարության մեջ ընդգծել է, որ ինքն «անմեղ» է։

«Մինչ ես պատրաստվում եմ մտնել Լա Սանտե բանտի պատերից ներս, իմ մտքերը հասարակության բոլոր խավերի և համոզմունքների տեր ֆրանսիացիների հետ են։ Ես ուզում եմ իմ անսասան ուժով ասել նրանց, որ այսօր բանտարկված է ոչ թե Հանրապետության նախկին նախագահը, այլ անմեղ մարդ»,- ասել է նա։

Սարկոզին հայտարարել է, որ «կշարունակի դատապարտել այդ դատական ​​սկանդալը», սակայն հավելել է, որ «չարժե կարեկցել, քանի որ կինն ու երեխաներն իր կողքին են և անթիվ ընկերներ ունի»։

Այնուամենայնիվ, երեքշաբթի առավոտյան Սարկոզին հայտարարել է, որ «խորը ցավ է զգում Ֆրանսիայի համար, որը նվաստացվել է վրեժխնդրության այս ակտով, որն ատելությունը հասցրել է աննախադեպ մակարդակի»։

Թարգմանությունը՝ Էմմա Չոբանյանի