02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Ադրբեջանի ավիաուղիների օդանավն անսարքության պատճառով արտակարգ վայրէջք է կատարել Պետերբուրգում, սակայն դուրս է եկել թռիչքուղուց․ ՏԵՍԱՆՅՈՒԹ
Քաղաքականություն
20.10.2025 | 13:33
Սանկտ Պետերբուրգից Բաքու թռչող ադրբեջանական AZAL-ի օդանավը տեխնիկական խնդիրների պատճառով վայրէջք է կատարել տեղի Պուլկովո օդանավակայանում, սակայն դուրս է եկել թռիչքուղուց։ Տուժածներ չկան։ Այս մասին հայտնել է օդանավակայանի մամուլի ծառայությունը, գրում է ՏԱՍՍ-ը։
«Բաքու մեկնող չվերթը վայրէջք է կատարել Պուլկովո օդանավակայանում՝ շասսիի մեխանիզմի հետ կապված անսարքության պատճառով»,- ասվում է հայտարարության մեջ։
Օդանավակայանում նշել են, որ ինքնաթիռն անվտանգ վայրէջք է կատարել, սակայն վայրէջքի ժամանակ դուրս է եկել թռիչքուղուց։ Ուղևորներ կամ անձնակազմի անդամներ չեն տուժել։
AZAL-ի տեղեկատվության համաձայն՝ թռիչքի առավելագույն անվտանգությունն ապահովելու համար Սանկտ Պետերբուրգ-Բաքու երթուղով իրականացվող «Ադրբեջանական ավիաուղիներ»-ի J2-020 չվերթի հրամանատարը որոշել է վերադառնալ և վայրէջք կատարել Պուլկովո օդանավակայանում՝ շասսիի աշխատանքի հետ կապված տեխնիկական խնդրի պատճառով։ Բոլոր 155 ուղևորներն օպերատիվ տարհանվել են, և տուժածներ չկան։
Հաղորդվում է, որ մեկ այլ ինքնաթիռ է ուղարկվել՝ Սանկտ Պետերբուրգից Բաքու ուղևորներին տեղափոխելու համար։
Թարգմանությունը՝ Էմմա Չոբանյանի
