13.10.2026 | 18:25
Ավինյանի նոր աշխատավարձը՝ հին ամսականից ցա՞ծր․ քաղաքապետի վարձատրության հանելուկը
Լույսը չբացված փորձել են ապամոնտաժել Ֆիրդուսի շուկայի տաղավարները (լուսանկարներ)
Տեսանյութեր
19.07.2017 | 09:12
Վաղ առավոտվանից լարված իրավիճակ էր Ֆիրդուսի շուկայի տարածքում: Դեռ լուսադեմին հարակից տների բնակիչները արթնացել են տրակտորի ձայնից: Տոնավաճառի հարակից տարածքում տեղակայված էր տրակտոր, որը, բնակիչների խոսքով, տարածք էր բերվել ապամոնտաժումն իրականացնելու նպատակով:
Արթնացած բնակիչները և տարածք շտապած շուկայի առևտրականները, սական, թույլ չեն տվել սկսել ապամոնտաժումը: Նրանք նախ ընդդիմացել են՝ նշելով, որ իրենց չեն իրազեկել, որ ապամոնտաժումը տեղի է ունենալու հենց այսօր, ապա պահանջել են քաղաքապետարանի ներկայացուցիչներից իրենց ներկայացնել ապամոնտաժման թույլտվությունը, որը, սակայն, առայժմ չի ներկայացվել:
Ի պատասխան՝ քաղաքապետարանի աշխատակիցները հայտարարել են , որ Ֆիրդուսի շուկան ապօրինի է գործում: Նրանք գործի են գցել տրակտորը՝ փորձելով սկսել ապամոնտաժումը, սակայն շուկայի առևտրականները և հարակից տների բնակիչները պատնեշ են կազմել և թույլ չեն տվել:
Շուրջ երկու ժամ տևած լարված բանակցությունների արդյունքում տրակտորը հեռացվել է, այժմ ֆիրդուսցիները լարված սպասում են իրադարձությունների հետագա ընթացքին:
Factor.am-ը առավոտյան 06.00 -ից տեղում հետևում է իրադարձությունների ընթացքին և այն ներկայացնում ուղիղ հեռարձակմամբ:
Շողիկ Գալստյան
Լուսանկարները` Արթուր Դևրիկյանի
