01.11.2026 | 14:44
«Արենի-1» քարայրը ներառվել է ՅՈՒՆԵՍԿՕ-ի Համաշխարհային ժառանգության նախնական ցանկում
Ուլյանովսկում ադրբեջանական սփյուռքի ղեկավարը զրկվել է ՌԴ քաղաքացիությունից
Քաղաքականություն
16.10.2025 | 13:51
ՌԴ Ուլյանովսկի մարզի ադրբեջանական սփյուռքի ղեկավարը զրկվել է Ռուսաստանի քաղաքացիությունից։ Ադրբեջանական լրատվամիջոցները, ռուսական աղբյուրներին հղումով, գրում են, որ Ուլյանովսկի մարզի ադրբեջանական սփյուռքի ղեկավար և «Ուլյանովսկի տարածաշրջանային ադրբեջանական ազգային-մշակութային ինքնավարություն» հասարակական կազմակերպության նախագահ, 56-ամյա Իսլամ Հուսեյնովը զրկվել է Ռուսաստանի քաղաքացիությունից։
Նրան սպառնում է երկրից արտաքսում։ Որոշման պատճառները պաշտոնապես չեն հրապարակվել։
Ինքը՝ Իսլամ Հուսեյնովը, հրաժարվել է մեկնաբանություններ տալ մամուլին։ Նշվում է, որ նա Ռուսաստանի քաղաքացիություն է ստացել դեռևս 1990-ականներին, իսկ 2005 թվականից ղեկավարում է Ուլյանովսկի «Ուլյանովսկի տարածաշրջանային ադրբեջանական ազգային-մշակութային ինքնավարություն»-ը։ Մինչև վերջերս նա զբաղեցրել է նաև նահանգապետի խորհրդականի պաշտոնը՝ ազգությունների հարցերով։
Ավելի վաղ ադրբեջանական համայնքային կազմակերպությունների այլ ղեկավարներ ևս զրկվել էին ՌԴ քաղաքացիությունից։
Թարգմանությունը՝ Էմմա Չոբանյանի
