29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Հիմա գյուղատնտեսությամբ զբաղվե՞նք, թե 20 տարի սարը քանդենք, ուտենք ու անապատ ստանա՞նք․ ֆերմեր. ՏԵՍԱՆՅՈՒԹ
Տնտեսություն
13.10.2025 | 19:09
Կարմիր սարի լանջին տասը տարուց ավելի գյուղատնտեսությամբ զբաղվող Գևորգ Ավագյանը պատմում է` իր ընտանիքը 10 հեկտար հող է մշակում, խաղող, ծիրան, դեղձ և այլ մրգեր աճեցնում, իսկ հանքի շահագործումը կխանգարի շարունակել գյուղատնտեսությամբ զբաղվել։
«Այդ սարը մեր գլխի վերևում է, մենակ մենք չենք այնտեղ, լիքը մարդիկ ներդրում են արել գյուղատնտեսության մեջ։ Այս տարիներին հարյուրավոր ծառեր են տնկվել այնտեղ։ Հիմա գյուղատնտեսությունը ճգնաժամի առաջ է կանգնում. եթե վերևից տրաքացում կատարեն, առաջինը փոշի է բարձրանալու, այս դեպքում մեղուները չեն փոշոտելու, փոշին մնացած բերքի վրա է նստելու ու գյուղացին իր արտադրանքը չի կարողանալու արտահանել։ Հիմա ո՞րն է մեզ համար ավելի լավ, զբաղվենք գյուղատնտեսությա՞մբ, թե 20 տարի ստեղ քանդենք, ուտենք, վերածենք ամայի դաշտի, անապատ ստանա՞նք»,- ասում է ֆերմերը։
Նշենք, որ Արարատի մարզի Վեդի համայնքի Գինեվետ գյուղում այսօր հրավիրված հանրային լսումն անցավ լարված մթնոլորտում։ Տեղական ինքնակառավարման մարմինները և «Օրդ Գրուպ» ՍՊԸ-ն հանրային լսում էին հրավիրել՝ Կարմիր սարի կրաքարային մերգելների օգտակար հանածոյի արդյունահանման աշխատանքների վերաբերյալ։ Այսօր 1-ին լսման օրն էր: Համայնքի կողմից դրական եզրակացություն ստանալուց հետո ընկերությունը պետք է փորձագիտական հետազոտություն իրականացնի և երկրորդ լսումը հրավիրի։
Մանրամասները՝ տեսանյութում։
