08.08.2026 | 16:59
Վանաձորում, Հրազդանում և Արարատում փոշու պարունակությունը գերազանցել է թույլատրելի սահմանը
Մահացել է դերասան Նիկոլայ Կարաչենցովը. նա 73 տարեկան էր
Մշակույթ
26.10.2018 | 11:22
Մոսկվայում մահացել է դերասան Նիկոլայ Կարաչենցովը: Նա 73 տարեկան էր: Որդին հայտնել է, որ արտիստի մահվան պատճառ է դարձել սրտի կանգը, հաղորդում է ՌԻԱ Նովոստին:
«Նա մահացել է Մոսկվայի թիվ 62 հիվանդանոցի վերակենդանացման բաժանմունքում, առավոտյան 08:10-ին»,- ասել է որդին:
Դերասանի հրաժեշտի արարողությունը տեղի կունենա «Լենկոմ»-ում:
Նշենք, որ Կարաչենցովի ձախ թոքում 2017 թվականի աշնանը չարորակ ուռուցք էին հայտնաբերել: Նոյեմբերին դերասանը սկսվել էր բուժվել, սակայն արդեն այս տարվա օգոստոսին նրա կինը տեղեկացրել էր, որ Իսրայելում բուժումն օգուտ չի տվել:
Նիկոլայ Կարաչենցովը շուրջ 40 տարի աշխատել է «Լենկոմ»-ում: Նա նկարահանվել է նաև բազմաթիվ ֆիլմերում, այդ թվում՝ «Ավագ որդին», «Շունը դեզի վրա», «Էլեկտրոնիկի արկածները» և այլ ժապավեններում:
