15.02.2026 | 11:26
ԱՄՆ բանակը պատրաստվում է Իրանի դեմ երկարատև գործողության․ Reuters
Եթե պետական պարտքը ՀՆԱ-ից 60 %-ով ավելի է, պարտավորության համար պետք է ԱԺ-ից թույլտվություն խնդրենք․ փոխնախարար․ ՏԵՍԱՆՅՈՒԹ
Տնտեսություն
13.10.2025 | 11:09
«Արժույթի միջազգային հիմնադրամի հետ վերլուծություններ կատարելիս պարզվել է, որ ՀՀ-ում ԿԲ արտաքին պարտքը և երաշխիքները հաշվառվում են որպես պետական պարտք, իսկ համայնքային պարտքը՝ որպես պետական համախմբված պարտք, ներկայացված չէ, ինչը հակասում է միջազգայնորեն սահմանված չափանիշներին»,- այս մասին ԱԺ Ֆինանսավարկային և բյուջետային հարցերի մշտական հանձնաժողովի նիստում ասաց Ֆինասների փոխնախարար Ավագ Ավանեսյանը՝ նշելով, որ ըստ այդմ առաջարկում են ««Պետական պարտքի մասին» օրենքում փոփոխություն կատարելու մասին» և կից ներկայացված օրենքների նախագծերի փաթեթում մի շարք փոփոխություններ անել։
«Կանոն է սահմանվում, եթե պետական պարտքը ավելի է լինում, քան ՀՆԱ-ի 60 տոկոսը, ապա պայմանական պարտավորություն կամ երաշխիք ներգրավելու համար մենք պետք գանք և Ազգային ժողովից թույլտվություն խնդրենք, թե ինչի է այդպես արվել։ Օրինակ, հնարավոր է, երբ պարտքը 60 %-ից ավելի է և պայմանական պարտավորություն է առաջացել պարտք վերցնել կամ երաշխիք թողարկել, որի համար արդեն անհրաժեշտ է, որպեսզի խորհրդարանին ներգրավենք և ֆիքսել, որ դա իսկապես երկրի համար կաևոր ծրագիր է և պետք է պարտք վերցնել»,- նշեց ֆինանսների փոխնախարարը։
Բացի այս, Ավանեսյանը նաև շեշտեց, որ նախատեսվում է ամրագրել պետական արտարժույթային պարտատոմսերի թողարկման հստակ լիազորություններ Ֆինանսների նախարարության համար: Օրենսդրական նախաձեռնության ընդունման նպատակն է ապահովել պետական պարտքի ոլորտի կարգավորման արդիական համակարգ՝ միջազգային ֆինանսական կառույցների կողմից կիրառվող չափանիշներին համահունչ, ինչպես նաև նորմատիվ իրավական կարգավորմամբ լուծել գործնականում ի հայտ եկած և օրենսդրական կարգավորում պահանջող հարցերն ու խնդիրները:
Մանրամասները՝ տեսանյութում։
Մանյա Պողոսյան
