30.07.2026 | 12:39
Նիկոլ Փաշինյանի ճեպազրույցը՝ ՈՒՂԻՂ
Մեծ Բրիտանիան նախատեսվածից շուտ Ուկրաինային է հանձնել հարյուրավոր ՀՕՊ հրթիռներ
Քաղաքականություն
11.10.2025 | 18:40
Մեծ Բրիտանիան հարյուրավոր հակաօդային պաշտպանության հրթիռներ է տրամադրել Ուկրաինային նախատեսված ժամկետից հինգ ամիս շուտ։ Այս մասին տեղեկությունը հրապարակվել է Մեծ Բրիտանիայի կառավարության պաշտոնական կայքում՝ Լուկ Փոլարդի՝ Կիև կատարած այցի ընթացքում։
Խոսքը վերաբերում է LMM թեթև բազմաֆունկցիոնալ հրթիռներին, որոնք արտադրվում են Մեծ Բրիտանիայի՝ Ուկրաինային ռազմական աջակցություն ցուցաբերելու ծրագրի շրջանակում։ Այս հրթիռներն օգտագործվում են երկրի օդային տարածքը պաշտպանելու նպատակով։
Մեծ Բրիտանիայի կառավարությունը նաև հայտարարել է Ուկրաինայի հետ ռազմական համագործակցության նոր փուլի մեկնարկի մասին՝ նախատեսելով 1,6 միլիարդ ֆունտ սթերլինգ հատկացնել LMM հրթիռների ինտեգրումը Ուկրաինայի ՀՕՊ համակարգում խորացնելու նպատակով։ Լուկ Փոլարդի խոսքով՝ 2025 թվականին Ուկրաինային տրամադրվելիք ընդհանուր ռազմական աջակցությունը կկազմի 4,5 միլիարդ ֆունտ՝ ամենաբարձր ցուցանիշը ողջ պատերազմի ընթացքում։
