19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
Մոլդովան միացել է եվրոպական SEPA վճարային համակարգին, որը թույլ է տալիս արագ և մատչելի փոխանցումներ կատարել եվրոյով
Քաղաքականություն
06.10.2025 | 18:10
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Մոլդովան հոկտեմբերի 6-ին դարձել է Միասնական եվրո վճարային տարածքի (SEPA) լիիրավ անդամ։ Այս մասին հայտարարել է երկրի Ազգային բանկի կառավարիչ Անկա Դրագուն, գրում է The Insider-ը։
«SEPA-ին Մոլդովայի ինտեգրումը պատմական պահ է ազգային ֆինանսական համակարգի համար և երկրի եվրոպական կուրսի հանձնառության հաստատում։ Այս նվաճումը վերացնում է վարչական խոչընդոտները և ուղղակիորեն ներդնում եվրոպական չափանիշներ Մոլդովայի քաղաքացիների և բիզնեսների առօրյա կյանքում»,- ասել է Դրագուն։
SEPA-ն համակարգ է, որը միավորում է 41 եվրոպական երկիր և թույլ է տալիս քաղաքացիներին ու կազմակերպություններին արագ և մատչելի կերպով կատարել եվրոյով փոխանցումներ, իսկ երբեմն՝ նույնիսկ անվճար։ Եվրամիության կողմից սահմանված կանոնների համաձայն՝ երկու տարբեր SEPA երկրներում գտնվող բանկային հաշիվների միջև փոխանցումները չպետք է արժենան ավելին, քան սովորական տեղական փոխանցումը։
Մոլդովան ԵՄ անդամակցության թեկնածուի կարգավիճակ է ստացել 2022 թվականի հունիսին։ Երկու տարի անց Եվրամիությունը պաշտոնապես սկսել է անդամակցության բանակցությունները Մոլդովայի հետ։
Թարգմանությունը՝ Էմմա Չոբանյանի
