01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Իսրայելն արտաքսել է Գրետա Թունբերգին ու Գազայի նավատորմի ևս 170 ակտիվիստների
Քաղաքականություն
06.10.2025 | 19:09
Իսրայելը հայտարարել է, որ արտաքսել է շվեդ հայտնի էկոակտիվիստ Գրետա Թունբերգին ու 170 այլ ակտիվիստների, որոնք ձերբակալվել էին Գազա օգնություն հասցնելու փորձ կատարող նավատորմի կալանման ժամանակ, գրում է BBC-ն։
Անցյալ շաբաթ Իսրայելի կողմից «Գլոբալ Սումուդ» նավատորմի ձերբակալման ժամանակ ավելի քան 40 քաղաքացիական նավակներում շուրջ 470 մարդ է եղել։ Նավատորմի որոշ անդամներ, որոնք արդեն արտաքսվել են, պնդում են, որ Իսրայելի կողմից կալանքի տակ գտնվելու ընթացքում իրենց նկատմամբ վատ վերաբերմունք է դրսևորվել, այդ թվում՝ Գրետա Թունբերգի։
X-ում գրառման մեջ Իսրայելի արտաքին գործերի նախարարությունը նավատորմի ուղևորությունը դեպի Գազա անվանել է «PR հնարք»՝ նշելով, որ բոլոր ձերբակալվածների օրինական իրավունքները պաշտպանվել են։ Գերատեսչությունն ակտիվիստներին մեղադրել է «ստեր» տարածելու մեջ։
Արդեն երկրորդ անգամ է, որ Թունբերգն արտաքսվում է Իսրայելի կողմից՝ ծովով Գազա հասնելու անհաջող փորձից հետո։
Իսրայելը պնդում է, որ 171 անձինք արտաքսվել են Հունաստան և Սլովակիա, և որ նրանք Հունաստանի, Իտալիայի, Ֆրանսիայի, Իռլանդիայի, Շվեդիայի, Լեհաստանի, Գերմանիայի, Բուլղարիայի, Լիտվայի, Ավստրիայի, Լյուքսեմբուրգի, Ֆինլանդիայի, Դանիայի, Սլովակիայի, Շվեյցարիայի, Նորվեգիայի, Մեծ Բրիտանիայի, Սերբիայի և Միացյալ Նահանգների քաղաքացիներ են։
Հավելենք, որ 36 թուրք և 12 այլ երկրների քաղաքացիներ շաբաթ օրը հատուկ չվերթով ժամանել էին Ստամբուլ։ Ուղևորների թվում էին ԱՄՆ-ի, Արաբական Միացյալ Էմիրությունների, Ալժիրի, Մարոկկոյի, Իտալիայի, Քուվեյթի, Լիբիայի, Մալայզիայի, Մավրիտանիայի, Շվեյցարիայի, Թունիսի և Հորդանանի քաղաքացիներ։ Իտալիայի արտաքին գործերի նախարար Անտոնիո Տայանին հաստատել է, որ ինքնաթիռում եղել է 26 իտալացի։
Թարգմանությունը՝ Էմմա Չոբանյանի
