Զելենսկին հայտնել է, որ նախoրեին Ուկրաինան գրոհած ռուսական հրթիռներում և ԱԹՍ-ներում 100,000-ից ավելի արտասահմանյան արտադրության բաղադրիչներ են եղել

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Հոկտեմբերի լույս 5-ի գիշերը Ռուսաստանի կողմից Ուկրաինայի վրա արձակված անօդաչու թռչող սարքերն ու հրթիռները պարունակել են ավելի քան 100,000 արտասահմանյան արտադրության բաղադրիչներ, և Ուկրաինան G7 պատժամիջոցների համակարգողներից ակնկալում է համակարգված լուծում այս շաբաթ կայանալիք հանդիպումից։ Այս մասին հայտարարել է Ուկրաինայի նախագահ Վլադիմիր Զելենսկին։

«Լայնամասշտաբ պատերազմի չորրորդ տարում Ռուսաստանը շարունակում է ստանալ զենքի արտադրության համար անհրաժեշտ բաղադրիչներ։ Հոկտեմբերի լույս 5-ի գիշերը Ուկրաինայի վրա զանգվածային համակցված հարվածի ժամանակ Ռուսաստանն օգտագործել է 549 միավոր զենք, որոնք պարունակել են արտասահմանյան արտադրության 102,785 բաղադրիչներ՝ ԱՄՆ-ի, Չինաստանի, Թայվանի, Մեծ Բրիտանիայի, Գերմանիայի, Շվեյցարիայի, Ճապոնիայի, Կորեայի Հանրապետության և Նիդերլանդների ընկերություններից»,- հաղորդել է Զելենսկին։

Նա նշել է, որ «Ամերիկայի Միացյալ Նահանգների ընկերություններն արտադրում են X-101 հրթիռների և Shahed/Geran անօդաչու թռչող սարքերի համար փոխակերպիչներ, այդ անօդաչու թռչող սարքերի և կինժալ հրթիռների համար մատրիցաներ, անօդաչու թռչող սարքերի և հրթիռների համար անալոգաթվային փոխակերպիչներ, ինչպես նաև հրթիռների համար միկրոէլեկտրոնիկա»։

«Յուրաքանչյուր «Շահեդ»-ում առնվազն 50 միավոր տարբեր միկրոէլեկտրոնիկա արտադրվում է Չինաստանում և Թայվանում: ԱԹՍ-ների միկրոկառավարիչներն արտադրվում են Շվեյցարիայում, իսկ անօդաչու թռչող սարքերի թռիչքի կառավարման միկրոհամակարգիչները՝ Մեծ Բրիտանիայում: Թևավոր հրթիռների օպտիկամեկուսիչներն արտադրվում են Ճապոնիայում, իսկ անջատիչ միակցիչները՝ Գերմանիայում: Ավելին, Ռուսաստանն օգտագործում է Նիդերլանդներում արտադրված պրոցեսորներ, ինչպես նաև Կորեայի Հանրապետությունում արտադրված կրիչներ», – նշել է Զելենսկին:

Նա հայտնել է, որ Կիևը նոր պատժամիջոցներ է պատրաստում նրանց դեմ, որոնք օգնում են Ռուսաստանին և նրա պատերազմին։ Ըստ Զելենսկիի՝ «մեր գործընկերներն ունեն համապատասխան տվյալներ յուրաքանչյուր ընկերության և յուրաքանչյուր ապրանքի վերաբերյալ, և նրանք գիտեն, թե ինչին և ինչպես արձագանքել»։

Բացի այդ, Զելենսկին հայտարարել է, որ ուկրաինական բանակի կողմից առաջնագծում օգտագործվող զենքի ավելի քան 40%-ն արտադրվում է Ուկրաինայում կամ Ուկրաինայի մասնակցությամբ, և այս բաժինը նախատեսվում է մինչև տարեվերջ հասցնել 50%-ի։

«Ժամանակն է սկսել մեր ուկրաինական զենքի արտահանումը՝ այն տեսակի զենքերի, որոնցում մենք ունենք ավելցուկ, հետևաբար, կարող ենք արտահանել, որպեսզի ֆինանսավորում տրամադրվի այն տեսակի զենքերի համար, որոնք հատկապես անհրաժեշտ են պաշտպանության համար»,- նշել է Զելենսկին՝ հավելելով, որ Կիևն արդեն իսկ ունի պայմանավորվածություններ Եվրոպայում, ԱՄՆ-ում և Մերձավոր Արևելքում արտահանման-ներմուծման հարթակներ բացելու վերաբերյալ և նախատեսում է դրանք գործարկել մինչև տարեվերջ։

Զելենսկին, սակայն, չի մանրամասնել, թե Ուկրաինան ինչ զենք է նախատեսում արտահանել։

Թարգմանությունը՝ Էմմա Չոբանյանի