17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Էվերեստում բուքի պատճառով մոտ հազար մարդ է արգելափակվել․ չինչական ԶԼՄ-ները զոհերի մասին են հաղորդում
Քաղաքականություն
05.10.2025 | 20:14
Տիբեթի կողմից Էվերեստ լեռան լանջերին, ուժեղ ձյան տեղումների հետևանքով, մոտ 1000 մարդ է մնացել արգելափակված, հայտնում են միջազգային լրատվական գործակալությունները կիրակի՝ հոկտեմբերի 5-ին։
Գերմանական dpa գործակալության հաղորդմամբ՝ հղում անելով չինական լրատվամիջոցներին, մարդիկ ծովի մակերևույթից 4900 մետր բարձրության վրա գտնվող ճամբարներում են։ Նրանցից մի քանիսի վրանները վնասվել են վատ եղանակի պատճառով։ Փրկարարական աշխատանքներին մասնակցում են հարյուրավոր տեղացիներ, այդ թվում՝ էքսկուրսավարներ և հատուկ տեխնիկա։ Սակայն նրանց աշխատանքը դժվարացնում են խորը ձնակույտերը և անկայուն կապը։
Չինական Jimu Xinwen լրատվական հարթակի տվյալներով՝ արգելափակվածների շարքում արդեն կան զոհեր, սակայն պաշտոնական հաստատում այդ տեղեկատվությանը դեռևս չկա։
Բուքը տարածաշրջանում սկսվել է հոկտեմբերի 3-ից, իսկ հոկտեմբերի 4-ի երեկոյան տեղի իշխանությունները փակել են Էվերեստի մուտքը զբոսաշրջիկների համար։ Այցելությունը պլանավորողներին խորհուրդ է տրվել հետաձգել իրենց ուղևորությունը։
Վատ եղանակի հետևանքով զոհեր են գրանցվել նաև հարևան Նեպալում։ Reuters-ի տվյալներով՝ հոկտեմբերի 3-ից սկսած հորդառատ անձրևների և հեղեղների հետևանքով այնտեղ զոհվել է առնվազն 47 մարդ։
Սեպտեմբերից մինչև դեկտեմբեր ընկած ժամանակահատվածը համարվում է Էվերեստ այցելող զբոսաշրջիկների ամենաակտիվ սեզոնը։
