14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Հնդկաստանի 4 քաղաքացի «Միքայելյան» հիվանդանոց է տեղափոխվել․ նրանք վիրահատվել են, վիճակները ծանր կայուն է
Հասարակություն
03.10.2025 | 11:30
Հոկտեմբերի 3-ին, 03.00-ի սահմաններում «Միքայելյան» համալսարանական հիվանդանոց է տեղափոխվել Հնդկաստանի 4 քաղաքացի: Այս մասին Factor.am-ին հայտնեցին «Միքայելյան» համալսարանական հիվանդանոցի Հանրային կապերի բաժնից:
Հաղորդվում է, որ նրանցից 3-ը վնասվածքներ էին ստացել որովայնի շրջանում, 1-ը` կրծքավանդակի:
«Նրանք վիրահատվել են, վիճակը գնահատվում է ծանր կայուն, այժմ գտնվում են Վերակենդանացման բաժանմունքում»,- տեղեկացնում են համալսարանական հիվանդանոցից:
Քննչական կոմիտեից փոխանցեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 166-րդ հոդվածի 2-րդ մասի 6-րդ կետով և 297-րդ հոդվածի 3-րդ մասի հատկանիշներով։
«Վարույթը նախաձեռնվել է առողջությանը ծանր վնաս պատճառելու, որը կատարվել է զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ և խուլիգանության հատկանիշներով։ Կատարվում է նախաքննություն»,- ասաց ՔԿ մամուլի խոսնակ Կիմա Ավդալյանը։
Անի Թամրազյան
