14.02.2026 | 20:05
«Տոտենհեմը» նոր գլխավոր մարզիչ ունի
Հետապնդվող ռուսաստանցիների համար Հայաստանն ԱՊՀ-ի ամենաանվտանգ երկիրն է․ Յան Սլովիցկի․ ՏԵՍԱՆՅՈՒԹ
Քաղաքականություն
02.10.2025 | 20:00
«Տապան» (Ковчег) նախագիծը հիմնադրվել է 2022 թվականի մարտին աշխարհի տասնյակ երկրներում բնակվող ռուս էմիգրանտների կողմից, որոնք Ռուսաստանում մարդու իրավունքների պաշտպանությամբ են զբաղվել։ Factor TV-ին տված հարցազրույցում Հայաստանում նախագծի համակարգող Յան Սլովիցկին նշում է, որ Հայաստանը ստիպված է պահպանել Քիշնևի և Մինսկի կոնվենցիաների ֆորմալ պահանջները ԱՊՀ երկրներում միջպետական հետախուզումների վերաբերյալ, բայց նաև պահպանում է Մարդու իրավունքների եվրոպական կոնվենցիան և չի արտահանձնում Բելառուսի և Ռուսաստանի իրավապահ մարմինների կողմից հետախուզվող անձանց: Նա նշում է, որ այս առումով Հայաստանն ամենաապահով երկիրն է հետապնդվող ռուսաստանցիների և բելառուսների համար:
Իրավապաշտպանն ասում է, որ չէր սպասում՝ այդքան երկար կմնա Հայաստանում, քանի որ երկիրը շատ ռուսաստանցիների համար ամենամատչելի տարանցիկ կետն էր: Սակայն նա նշում է, որ 2023 թվականին ռուսների հեռանալուց հետո՝ 2024 թվականից ի վեր կայություն է նկատվում, և նույնիսկ Վրաստանից դեպի Հայաստան ռուսաստանցի արտագաղթողների երկրորդային միգրացիա։
Անդրադառնալով ռուսների ինտեգրմանը՝ Սլովիցկին կարծիք է հայտնում, որ նրանց համար դժվար է լիովին ինտեգրվել հայ հասարակությանը, բայց նշում է, որ անհնար է նաև օտար լինել Հայաստանում։
Սլովիցկին նշում է, որ Հայաստանում ռուս էմիրագրանտների նոր ալիքը կապված չէ երկրում գործող ռուսական պաշտոնական կազմակերպությունների հետ (Մոսկվայի տուն, Ռուսական գրքի տուն և այլն)։ Նա նշում է, որ Հայաստանում հայտնված ռուսների համար երկրում ընթացող քաղաքական գործընթացները որոշակի մտահոգություն են առաջացնում։ Միաժամանակ, որոշ էմիգրանտներ կարծում են, որ իշխանությունները պետք է ավելի խիստ լինեն երկրում գործող հակաժողովրդավարական ուժերի նկատմամբ՝ որպես օրինակ բերելով 1990-ականների Ռուսաստանը, որտեղ դա չարվեց, և դա հանգեցրեց ներկայիս ռեժիմի վերելքին։ Մյուսները կարծում են, որ ժողովրդավարությունը չի կարող գործել ոչ ժողովրդավարական մեթոդներով։
Սլովիցկիի կարծիքով՝ Ռուսաստանի քաղաքականությունը հետխորհրդային երկրների նկատմամբ անընդունելի է, և որ ապագայի Ռուսաստանն անպայման ավելի հավասար և գործընկերային հարաբերություններ կհաստատի նրանց հետ։
Հարցազրույցն ամբողջությամբ՝ տեսանյութում։
Սամվել Մելիքսեթյան
