17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Ռյաբկովը հայտնել է, թե երբ տեղի կունենա ռուս-ամերիկյան բանակցությունների երրորդ փուլը
Քաղաքականություն
01.10.2025 | 17:37
Ռուս-ամերիկյան բանակցությունների երրորդ փուլը՝ «երկու երկրների միջև հարաբերություններում առկա գրգռիչների վերացման համար», կկայանա մինչև աշնան վերջ։ Այս մասին ՏԱՍՍ-ին ասել է Ռուսաստանի փոխարտգործնախարար Սերգեյ Ռյաբկովը։
«Մինչև աշնան վերջը հաստատ տեղի կունենա։ Դեռևս ամսաթվեր չկան, և ամեն ինչ դեռ քննարկման փուլում է»,- ասել է բարձրաստիճան դիվանագետը։
Հավելենք, որ փետրվարի 27-ին և ապրիլի 10-ին Ստամբուլում բանակցություններ էին տեղի ունեցել Ռուսաստանի և ԱՄՆ դեսպանատների աշխատանքային պայմանները կարգավորելու և երկու երկրների միջև հարաբերություններում առկա գրգռիչ գործոնները հաղթահարելու ուղիները քննարկելու համար։
Խորհրդակցությունների առաջին և երկրորդ փուլերում ռուսական պատվիրակությունը գլխավորել է Վաշինգտոնում գործող դեսպան Ալեքսանդր Դարչիևը, իսկ ԱՄՆ պատվիրակությունը՝ Եվրոպայի և Եվրասիայի հարցերով պետքարտուղարի օգնականի տեղակալ Սոնատա Քոուլթերը։ Առաջին հանդիպումը, որը տեղի էր ունեցել փակ դռների հետևում, տևել էր ավելի քան վեց ժամ, իսկ ահա բանակցությունների երկրորդ փուլը՝ հինգուկես ժամ։
Թարգմանությունը՝ Էմմա Չոբանյանի
