Բաքվում Թուրքիայի դեսպանատունն իր դիրքորոշումն է հայտնել թուրքական ԶԼՄ-ներում Ադրբեջանի մասին «կեղծ լուրերի» տարածման վերաբերյալ

Ադրբեջանում Թուրքիայի դեսպանատունը իր դիրքորոշումն է հայտնել վերջերս թուրքական լրատվամիջոցներում Ադրբեջանի մասին տարածվող «կեղծ լուրերի» վերաբերյալ։

Ադրբեջանական լրատվամիջոցների հաղորդմամբ՝ Թուրքիայի դեսպանատան մեդիայի հարցերով խորհրդական Ալփթեկին Ջիհանգիր Իշբիլիրը Երիտասարդության օգնության հիմնադրամում կայացած հանդիպման ժամանակ հայտարարել է, որ իրենք աշխատում են թուրք-ադրբեջանական մեդիա հարթակի զարգացման և գործընթացներին դրա ավելի ակտիվ մասնակցության ուղղությամբ։

«Մենք կպայքարենք ներքին և արտաքին ուժերի դեմ, որոնք փորձում են խաթարել թուրք-ադրբեջանական հարաբերությունները։ Մենք պետք է բանակցենք և դիմակայենք այդ ուժերին։ Մենք պետք է ավելի ամուր լինենք միասին՝ չթողնելով որևէ բաց, որպեսզի ոչ ոք չկարողանա կանգնել մեր միջև։ Կան մարդիկ, որոնք  տրվում են ներքին և արտաքին ուժերի խաղերին, որոնք ձգտում են փչացնել Ադրբեջանի և Թուրքիայի միջև հարաբերությունները։ Բայց մենք պետք է ավելի սերտորեն միավորվենք դրա դեմ»,- նշել է նա։

Հավելենք, որ վերջին օրերին պաշտոնական Բաքուն թուրքական ԶԼՄ-ներին մեղադրում է Ադրբեջանի դեմ ապատեղեկատվության արշավի իրականացման մեջ։

Օրերս թուրքական Yeniakit-ը և մի շարք այլ լրատվամիջոցներ հայտնել էին, որ Ադրբեջանը հայտարարել է, թե կհրաժարվի 2026 թվականի «Եվրատեսիլ» երգի մրցույթին մասնակցությունից, եթե Իսրայելին արգելեն մասնակցել։ Ըստ թուրքական աղբյուրների՝ Ադրբեջանը հայտնել է, որ այդ դեպքում կբոյկոտի մրցույթը։ Այս տեղեկությունը բուռն քննարկվում էր սոցցանցերի թուրքական տիրույթում։ Այս լուրերի տարածումից հետո ադրբեջանական իշխանամերձ լրատվամիջոցները գրել էին, որ թուրքական որոշ լրատվամիջոցների կողմից տարածված տեղեկությունն իրականությանը չի համապատասխանում։

Այժմ էլ թուրքական աղբյուրները լուսանկարներ են տարածում, թե ՄԱԿ-ում Իսրայելի վարչապետ Բենիամին Նեթանյահուի ելույթին ծափահարել են Ադրբեջանի ԱԳ նախարար Ջեյհուն Բայրամովն ու երկրի առաջին տիկին Մեհրիբան Ալիևան։

Իրականում, ըստ  տարբեր աղբյուրների հաղորդումների, Ադրբեջանի պատվիրակության անդամներ ամեն դեպքում ներկա են եղել Նեթանյահուի ելույթին, քանի որ այլ լուսանկարներ ևս տարածվում են։

Ադրբեջանի Մեդիա զարգացման գործակալության գործադիր տնօրենի տեղակալ Նաթիգ Մամեդլին՝ թուրքական լրատվամիջոցներում նկատվող բացասական միտման վերաբերյալ հայ Edit Edit date and time տարարել էր, թե «եղբայրական երկրի»՝ Թուրքիայի առաջատար մեդիա կառույցների այդ մոտեցումը հակասում է 2021 թվականին ստորագրված «Ադրբեջանի Հանրապետության և Թուրքիայի Հանրապետության միջև մեդիայի ոլորտում ռազմավարական համագործակցության մասին» փոխըմբռնման հուշագրի համաձայն ստեղծված ադրբեջանա-թուրքական համատեղ մեդիա հարթակի էությանը։

Թարգմանությունը՝ Էմմա Չոբանյանի