05.12.2025 | 17:03
Որքան մարդ է ծնվել և մահացել ՀՀ-ում 2024 թվականին
Թուրքիան և ԱՄՆ-ն համագործակցության հուշագիր են ստորագրել ատոմային էներգետիկայի ոլորտում
Քաղաքականություն
25.09.2025 | 23:33
Սեպտեմբերի 25-ին Թուրքիան և ԱՄՆ-ն ստորագրել են փոխըմբռնման հուշագիր՝ ռազմավարական քաղաքացիական միջուկային-տեխնիկական համագործակցության ոլորտում փոխըմբռնման հուշագիր են ստորագրել: ՏԱՍՍ-ի փոխանցմամբ՝ այս մասին հայտնել է Թուրքիայի Էներգետիկայի նախարար Ալփարսլան Բայրաքթարը։
Ըստ նախարարի՝ փաստաթուղթը ստորագրվել է Սպիտակ տանը՝ Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի բանակցություններից հետո՝ ԱՄՆ պետքարտուղար Մարկո Ռուբիոյի ներկայությամբ։
«Մենք սկսել ենք նոր գործընթաց, որը ևս մեկ քայլ առաջ կգնա ատոմային էներգետիկայի ոլորտում Թուրքիա-ԱՄՆ բազմաճյուղ գործընկերության խորացման ուղղությամբ։ Հուսով եմ, այս համաձայնագրի շրջանակում իրականացվելիք աշխատանքը փոխադարձ շահավետ կլինի երկու երկրների համար»,– գրել է նախարարը X-ի իր էջում։
Հուշագիրը նախատեսում է համագործակցություն քաղաքացիական ատոմային էներգետիկայի, նոր տեխնոլոգիաների ներդրման և համապատասխան արդյունաբերական կարողությունների զարգացման ուղղությամբ։
