20.08.2026 | 10:17
COP17-ի կազմակերպչական կոմիտեն քննարկել է գագաթնաժողովի և ենթակառուցվածքների նախապատրաստումը
Թբիլիսիի հյուրանոցներից մեկում մեկ անձի պատանդառած զինված տղամարդը վնասազերծվել և ձերբակալվել է
Քաղաքականություն
25.09.2025 | 17:15
Ոստիկանությունը Թբիլիսիի կենտրոնում՝ Մայիսի 26-ի հրապարակում՝ «Holiday Inn» հյուրանոցում ձերբակալել է մի երիտասարդի։ Գործողության ընթացքում մոբիլիզացվել են ոստիկանությունը, շտապօգնության ծառայությունը և փրկարար ծառայությունը։ Ոստիկանության կողմից հյուրանոցից դուրս գալուց հետո երիտասարդի դեմքին արյուն է երևացել, հագին եղել է ամառային անթև բաճկոն, փոխանցում է Эхо Кавказа-ն։
«Ոստիկանությունը հաղորդում է ստացել հյուրանոցի համարներից մեկից կրակոցի մասին։ Սենյակում գործողություններ են իրականացվել, անձը ձերբակալվել է: Հաղորդագրության և հյուրանոցի վարչակազմի հայտարարության մեջ նշվում է, որ կրակոցի ձայն է լսվել։ Մենք ձերբակալել ենք մեկ անձի»,- ձերբակալությունից հետո ասել է Թբիլիսիի ոստիկանապետ Վաժա Սիրաձեն։
Հարուցվել է քրեական օրենսգրքի երկու հոդվածներով․ 151-րդ հոդված՝ սպառնալիք, 236-րդ հոդված՝ զենքի ապօրինի ձեռքբերում, պահպանում և կրում։
Տղամարդուն սպառնում է մինչև երկու տարվա ազատազրկում։ Վաժա Սիրաձեի խոսքով՝ ոստիկանությունը շարունակում է հյուրանոցի համարում զենքի և այլ ապացույցների որոնումը։
Ավելի վաղ վրացական որոշ լրատվամիջոցներ հայտնել էին, որ հրազենով զինված տղամարդը հյուրանոցում մեկ անձի է պատանդ վերցրել: Հյուրանոցի ներսում կրակոցներ են լսվել:
Թարգմանությունը՝ Էմմա Չոբանյանի
