03.07.2026 | 10:36
Կիևում ռուսական ավիահարվածի հետևանքով զոհերի թիվը հասել է 30-ի
ՍԴ-ն վարույթ է ընդունել ՀԷՑ-ի վերաբերյալ ընդդիմադիրների դիմումը
Հասարակություն
17.09.2025 | 12:25
Սահմանադրական դատարանը վարույթ է ընդունել ընդդիմադիր պատգամավորների դիմումը, որով նրանք վիճարկում էին «Հայաստանի էլեկտրական ցանցեր ՓԲԸ-ն պետականացնելուն միտված օրենքների դրույթների սահմանադրականությունը։ Այս մասին տեղեկանում ենք ՍԴ կայքից։
Խոսքը «Էներգետիկայի մասին» և «Հանրային ծառայությունները կարգավորող մարմնի մասին» օրենքներում կատարված փոփոխությունների մասին են։ Օրենքներում կատարված հրատապ փոփոխություններից հետո ամռանը կալանավորված գործարար Սամվել Կարապետյանին պատկանող ՀԷՑ-ում հնարավոր եղավ ժամանակավոր կառավարիչ նշանակել, որից հետո ժամանակավոր կառավարիչ նշանակված Ռոմանոս Պետրոսյանը ՀԷՑ-ում մի շարք փոփոխություններ կատարեց, այդ թվում՝ հեռացրեց ՀԷՑ-ի տնօրեն Դավիթ Ղազինյանին։
Նշենք, որ ՍԴ ներկայացված դիմումով ընդդիմադիրները նաև խնդրել են կասեցնել օրենքների գործողությունը՝ մինչև գործով վերջնական դատական ակտի կայացումը։
Արաքս Մամուլյան
