02.07.2026 | 23:02
Կառավարությունը հաստատել է ջերմատնային տնտեսությունների վարկերի տոկոսադրույքների սուբսիդավորման ծրագիրը
ՔԿ-ում գործ է հարուցվել Կադաստրի կոմիտեի նախագահին վերագրվող ծեծ կազմակերպելու դեպքի առնչությամբ․ Կոմիտեից հերքում են
Հասարակություն
16.09.2025 | 10:01
Համացանցում տարածվում է մի տեսանյութ, որտեղ մի կին, ներկայանալով Կադաստրի կոմիտեի արտաքին վարչության նախկին աշխատակից, պնդում է, թե Կոմիտեի նախագահ Սուրեն Թովմասյանը և գլխավոր քարտուղար Մհեր Խաչատրյանը կազմակերպել են իր ամուսնու առևանգումն ու ծեծը։
Ըստ կնոջ` ամեն ինչ սկսվել է այն բանից հետո, երբ նախ ամուսինն է ազատվել Կոմիտեից, հետո` ինքը։ Նա պատմում է, որ ամուսինը հայհոյախառն բառերով հաղորդագրություն է ուղարկել Թովմասյանին, որից հետո հաշվեհարդար են տեսել ամուսնու հետ։
Կադաստրի կոմիտեն հերքել է համացանցում շրջանառվող տեղեկությունները` այն որակելով կեղծիք։
Քննչական կոմիտեից Factor.am-ին փոխանցեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործությունը) և 191-րդ հոդվածի 2- րդ մասի 5-րդ կետով ( մի խումբ անձանց կողմից մարդուն առևանգելը): Կատարվում է նախաքննություն։
Նարեկ Կիրակոսյան
