16.12.2025 | 17:17
161 կգ «Հերոին»-ը մաքսանենգությամբ ՀՀ տեղափոխելած անձը կալանավորվել է
Կամչատկայում ուժգին երկրաշարժից հետո հայտարարվել է ցունամիի վտանգ
13.09.2025 | 13:33
Կամչատկայի երկրամասի իշխանությունները հայտարարել են ցունամիի սպառնալիքի մասին՝ թերակղզու արևելյան ափի մոտ տեղի ունեցած 7.7 մագնիտուդ ուժգնությամբ երկրաշարժից հետո։
«Արմենպրես»-ի հաղորդմամբ՝ երկրամասի նահանգապետ Վլադիմիր Սոլոդովը Տելեգրամի իր ալիքում հայտնել է, որ հատկապես վտանգավոր են Խալակտիրսկի լողափն ու մոտակա այլ տարածքները։
«Հայտարարվել է ցունամիի վտանգ։ Խնդրում ենք հատուկ զգուշավորություն ցուցաբերել և զերծ մնալ վտանգավոր ափամերձ գոտիներում գտնվելուց»,- նշել է նա։
Կամչատկայի երկրամասում սեպտեմբերի 13-ին գրանցվել է 7,7 մագնիտուդ ուժգնությամբ երկրաշարժ։ Նախնական տվյալներով՝ երկրաշարժի էպիկենտրոնը գտնվել է Կամչատկայի Պետրոպավլովսկից շուրջ 123 կիլոմետր հեռավորության վրա, 46,8 կիլոմետր խորությամբ։
Տեղեկություններ ավերածությունների և լուրջ վնասների մասին առայժմ չկան։ Մարզի իշխանությունները, ինչպես նաև արտակարգ իրավիճակների նախարարությունը, բնակչությանը հորդորել են պահպանել հանգստություն և հետևել պաշտոնական հաղորդագրություններին։
