04.11.2026 | 19:15
Սա նախօրոք պլանավորած էր. Գառնիկ Դավթյան․ ՏԵՍԱՆՅՈՒԹ
2-ի փոխարեն՝ 1,5 տարի. ՊՆ-ն առաջարկում է կրճատել պարտադիր զինծառայության ժամկետը
Հասարակություն
11.09.2025 | 10:12
2026 թվականի ամառային զորակոչից պարտադիր զինվորական ծառայություն 2-ի փոխարեն 1,5 տարի կդառնա: Այսպիսի օրենսդրական փոփոխություն է առաջարկել Պաշտպանության նախարարությունը։
Նախագիծը դրված է հանրային քննարկման։ Հիմնավորման մեջ նշվում է, որ զինվորական ծառայության ժամկետների կրճատումը պայմանավորված էր պայմանագրային ծառայության աճով:
«Վերջին տարիներին պայմանագրային զինվորական ծառայության ընդլայնման նպատակով կատարվել են գործուն քայլեր, ի դեմս՝ «Պաշտպան հայրենյաց» ծրագրի, արհեստավարժ սերժանտական համակարգի, զինծառայողների ատեստավորման համակարգի ներդրման, սահմանամերձ զորամասերում երկարամյա ծառայության զինվորական կենսաթոշակի պահպանմամբ պայմանագրային զինվորական ծառայության կազմակերպման գործընթացի, որի արդյունքները գնահատվում են դրական և միտում ունեն առավել գրավիչ դարձնել և ընդլայնել պայմանագրային զինվորական ծառայությունը: Այդ կապակցությամբ՝ նպատակահարմար է գտնվել շարքային կազմի 24-ամսյա պարտադիր զինվորական ծառայության ժամկետը 2026 թվականի ամառային զորակոչից սկսած կրճատել 6 ամսով՝ սահմանելով 18-ամսյա ժամկետով»,-ասված է նախագծում։
Նախարարությունը օրենքի նախագծի ընդունմամբ կանխատեսում է պարտադիր զինվորական ծառայության կազմակերպման ուղղությամբ ծախսերի նվազում՝ սկսած 2028 թվականից, քանի որ 2026թ. ամառային զորակոչի շրջանակներում հուլիսի 1-ից սկսած 18 ամիս ծառայության ժամկետն ավարտվում է 2027թ. դեկտեմբերի 31-ին:
Նարեկ Կիրակոսյան
