19.02.2026 | 14:56
Նախագահ Վահագն Խաչատուրյանը Հունաստանում այցելել է Բյուզանդական և քրիստոնեական մշակույթի թանգարան
Մի հատ կինոթատրոն չկա, որտեղ կինոները հայերենով ցուցադրվեն, էս հարցը ե՞րբ պիտի լուծվի. Ռուբինյանը՝ ԿԳՄՍ նախարարին․ ՏԵՍԱՆՅՈՒԹ
10.09.2025 | 11:55
«Հայաստանի անկախության հանրաքվեից անցել է 34 տարի, բայց մինչև հիմա մեր բոլոր կինոթատրոններում ֆիլմերը ցուցադրվում են ռուսերենով: Մի հատ կինոթատրոն չկա, որտեղ բոլոր ֆիլմերը հայերենով կցուցադրվեն։ Ես դեմ չեմ, թող որոշ ֆիլմեր լինեն ռուսերեն թարգմանությամբ, ի՞նչ եք մտածում էդ մասին, երբ պետք է այս հարցը լուծվի»,- ԱԺ նիստում «Լեզվի մասին» օրենքի քննարկման ժամանակ հարց բարձրացրեց խորհրդարանի փոխնախագահ Ռուբեն Ռուբինյանը՝ դիմելով ԿԳՄՍ նախարար Ժաննա Անդրեասյանին։
Նախարարը պատասխանեց, որ 2021 թվականին նախորդ գումարման Ազգային ժողովն ընդունել է «Կինեմատոգրաֆիայի մասին» օրենքը, որով այս հարցը կարգավորվել է, բայց պահանջը սահմանվել է 2030 թվականից:
«Եվ հիմա մենք բերում ենք «Կինեմատոգրաֆիայի մասին» օրենքի փոփոխություն, որն առաջիկայում կհասնի Ազգային ժողով, և մենք կկարողանանք դա քննարկել աշնանային նստաշրջանում: Դրանով առաջարկում ենք, որ այդ կարգավորումն ուժի մեջ մտնի 2026 թվականի հունվարից, որովհետև, կարծում եմ, դա առանցքային է, և տեխնոլոգիական լուծումներն էլ թույլ են տալիս, որպեսզի, օրինակ, հայերեն ենթագրերով ֆիլմերի հեռարձակումը, որը շատ պարզ լուծում է, և կարող է իրականացվել՝ առանց մեծ ջանքերի, և դառնա օրենսդրական պահանջ»,- մանրամասնեց նա։
Մանրամասները՝ տեսանյութում։
Մանյա Պողոսյան
