07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Ուկրաինայի անվտանգության ծառայությունը ռեփեր Տիմատիի նկատմամբ հետախուզում է հայտարարել
Քաղաքականություն
08.09.2025 | 23:16
Ուկրաինայի անվտանգության ծառայությունը ռուս ռեփեր Տիմատիի (իսկական անունը՝ Տիմուր Յունուսով) նկատմամբ հետախուզում է հայտարարել։ Այս մասին տեղեկատվությունը տեղադրվել է Ուկրաինայի Ներքին գործերի նախարարության հետախուզվողների տվյալների բազայում։ Նրան փնտրում են հուլիսի 1-ից, գրում է Meduza-ն։
Նշվում է, որ ռուսական լրատվամիջոցները միայն հիմա են դրան ուշադրություն դարձրել։ Տիմատիի հետախուզման մեջ գտնվելու մասին նախկինում չի հաղորդվել։
Հունիսին Ուկրաինայի անվտանգության ծառայությունը հեռակա կարգով Տիմատիին մեղադրանք է առաջադրել Ուկրաինայի ժամանակավորապես օկուպացված տարածքներ մուտք գործելու կանոնները բազմիցս խախտելու համար։ Հետաքննության համաձայն՝ ռուս ռեփերը առնվազն յոթ անգամ ելույթ է ունեցել Ղրիմում, որը ՌԴ-ին բռնակցված է 2014 թվականից։
Նշվում է, որ Տիմատին «ռուսական քարոզչության մասնակիցներից մեկն է» և ՌԴ ղեկավար Վլադիմիր Պուտինի վստահված անձն է եղել 2012, 2018 և 2024 թվականների նախագահական ընտրություններում։
«Բացի այդ, Տիմատին աջակցել է ռուսական ագրեսիային, Ղրիմի բռնակցմանը և Ուկրաինայի անկախության, ինքնիշխանության և տարածքային ամբողջականության հիմնարար իրավունքների խախտմանը», – ասվում է հայտարարության մեջ։
Թարգմանությունը՝ Էմմա Չոբանյանի
