05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Քոչարյանի գործառութային անձեռնմխելիությունը հաղթահարված չէ. Արամ Վարդևանյան. ՏԵՍԱՆՅՈՒԹ
Հասարակություն
08.09.2025 | 12:29
Հայաստանի երկրորդ նախագահ Ռոբերտ Քոչարյանի փաստաբան Արամ Վարդևանյան այսօր դատարանում բարձրացրեց այն հարցը, որ Քոչարյանի գործառութային անձեռնմխելիությունը հաղթահարված չէ: Այս հարցը դեռևս Քոչարյանին 2018 թվականին մեղադրանք առաջադրելիս է բարձրացվել:
Արամ Վարդևանյանը հիշեցրեց, որ եթե նախկինում Քոչարյանին վերագրված էր սահմանադրական կարգը տապալելու հոդված, և մեկնաբանություն էր տրվում, որ սա բացառիկ հոդված էր, որի դեպքում հնարավոր չէ խոսել անձեռնմխելիություն հաղթահարելու մասին, ապա այժմ դատախազությունը ցանկանում էր վերաորակել Քոչարյանին վերագրվող արարքը պաշտոնեական լիազորությունները չարաշահելու կամ անցնելու հոդվածով, որը «բացառիկ» հոդված չէ, այլ «շարքային» հոդված:
Մինչդեռ Վարդևանյանը նշեց, որ Քոչարյանի արարքը վերաորակելու մասին հանրային մեղադրողի միջնորդության մեջ որևէ նշում չկա այն մասին, թե այժմ ինչու չպետք է հաղթահարվի Քոչարյանի անձեռնմխելիությունը:
Մանրամասները՝ տեսանյութում։
Արաքս Մամուլյան
