10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Գործող իշխանությունը խաղաղության անվան տակ ՀՀ-ն կապիտուլյացիայի է ենթարկում․ նոր պատերազմի է սա տանում․ Ժիրայր Սեֆիլյան․ ՏԵՍԱՆՅՈՒԹ
Քաղաքականություն
08.09.2025 | 20:00
ԱԺԲ խորհրդի անդամ Ժիրայր Սեֆիլյանը Factor TV-ի հետ զրույցում պնդում է, որ վերջին տարիներին Հայաստանի դեմ «հրեշային ծրագիր» է գործադրվել։ Սեֆիլյանի խոսքով, 44-օրյա պատերազմը վաղուց ծրագրված ռուս-թուրքական պայմանավորվածության արդյունք էր․ «Ռուս-թուրքական Լավրովի պլանը պատերազմով իրագործվեց։ Դա եղել է ՀՀ-ի դեմ մշակված ծրագիր»։
Նա ընդգծում է, որ Հայաստանի ներկայիս իշխանությունը «խաղաղության անվան տակ տանում է երկիրը կապիտուլյացիայի», ինչը, ըստ նրա, նոր պատերազմի վտանգ է ստեղծում։
Սեֆիլյանի կարծիքով տարածաշրջանում ուժերի հարաբերակցությունը փոփոխվում է․ «ՌԴ-ն թուլանում է, և այդ պայմաններում ԱՄՆ-ն կանխեց Թուրքիայի և Ադրբեջանի ախորժակի մեծացումը։ Սա հնարավորություն է տալիս, որ Հայաստանը կարողանա որոշակի օգուտներ ստանալ»։
Սակայն, նրա համոզմամբ, ԱՄՆ-ի ներկայությունը և աջակցությունը ևս չի ապահովում լիարժեք անվտանգություն․ «Այո՛, ԱՄՆ-ի շնորհիվ Հայաստանը դեռ գոյություն ունի քարտեզի վրա, բայց դա չի նշանակում, որ թուրքական կողմը ձեռնպահ կմնա մեզ ուղղված վտանգներից»։
Խոսելով Հայաստանի սահմանների և ապագայի մասին՝ Սեֆիլյանը հավելում է․ «Այսօրվա սահմաններով ՀՀ-ն չի կարող պահպանվել։ Բայց դա չի նշանակում, որ եթե գանք իշխանության, անմիջապես գնալու ենք Արցախի կամ Նախիջևանի ազատագրման»։
Հարցազրույցն ամբողջությամբ՝ տեսանյութում։
Ռոբերտ Անանյան
