22.05.2026 | 16:54
Ծաղիկների գները Ռուսաստանում բարձրանում են Հայաստանից ներմուծման արգելքի պատճառով
Ադրբեջանի Մեջլիսը հատուկ նիստ կանցկացնի վաշինգտոնյան համաձայնագրերին նվիրված
Քաղաքականություն
05.09.2025 | 14:51
Ադրբեջանի Միլլի Մեջլիսը պատրաստվում է հատուկ նիստ կանցկացնել՝ նվիրված Վաշինգտոնյան համաձայնագրերին։ Ադրբեջանական լրատվամիջոցների հաղորդմամբ՝ երկրի Սահմանադրության 88-րդ հոդվածի 2-րդ մասի համաձայն՝ Մեջլիսի պատգամավորները դիմել են խոսնակ Սահիբա Գաֆարովային՝ խորհրդարանի արտահերթ նստաշրջան հրավիրելու խնդրանքով:
Գաֆարովան, հաշվի առնելով պատգամավորների դիմումը, ստորագրել է Միլլի Մեջլիսի արտահերթ նիստ գումարելու մասին հրամանագիր։
Դրա համաձայն՝ սեպտեմբերի 9-ին, արտահերթ նիստի շրջանակներում, տեղի կունենա հատուկ նիստ՝ «Վաշինգտոնյան համաձայնագրերը. խաղաղության դիվանագիտության և իմաստուն առաջնորդության հաղթանակը» թեմայով։
Հավելենք, որ ավելի վաղ էլ Ադրբեջանի կառավարությունն է հատուկ նիստ անցացրել՝ նվիրված երկրի նախագահ Իլհամ Ալիևի Վաշինգտոն այցին ու Հայաստանի հետ ստորագրված փաստաթղթերին։ Ելույթներով էին հանդես եկել վարչապետ Ալի Ասադովը, ԱԳ նախարար Ջեյհուն Բայրամովն ու այլ պաշտոնյաներ։
Թարգմանությունը՝ Էմմա Չոբանյանի
