07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Ննջարանում աճում էր կանեփ, նաև հայտնաբերվեց 1 կգ-ից ավելի մարիխուանա. ՔՈԳՎ բացահայտումը
Հասարակություն
05.09.2025 | 13:31
Նորաշեն թաղամասում հայտնաբերվել, ձերբակալվել ու Համայնքային ոստիկանության Մաշտոցի բաժին է տեղափոխվել փաստացի այդ թաղամասում բնակվող 34-ամյա տղամարդ:
«Նրա խուզարկությամբ հայտնաբերվեց երեք կաթուցիչ և դեղնականաչավուն զանգվածով թղթե փաթեթ:
Աջափնյակ և Դավթաշեն վարչական շրջանների քննչական բաժնում նախաձեռնվեց քրեական վարույթ, որի շրջանակում հաջորդ օրը խուզարկություն կատարվեց երիտասարդի փաստացի բնակության վայրում:
Ննջասենյակը կահավորված էր հատուկ լուսային և օդափոխության համակարգերով, ստեղծված էր փակ ջերմոցային տարածք, որտեղ արհեստական լուսավորության պայմաններում տարաների մեջ աճում էր կանեփի 17 բույս: Հայտնաբերվեցին նաև էլեկտրական կշեռք, աղաց, զիպ փականով տոպրակներ ու ծխախոտի գլանակ լցնելու սարք և ավելի քան մեկ կիլոգրամ մարիխուանայի նմանվող զանգված։
Նախաքննությամբ հանգամանքները պարզվում են»,- ասված է ՆԳՆ-ի հաղորդագրությունում։
