30.07.2026 | 20:30
Պուտինը վախենում է Հայաստանի եվրոպական ընտրությունից․ ՌԴ նախկին վարչապետ Միխայիլ Կասյանով․ ՏԵՍԱՆՅՈՒԹ
Ուկրաինական ԱԹՍ-ները գրոհել են Ռյազանի շրջանը․ հրդեհվել է նավթավերամշակման գործարանը
Քաղաքականություն
05.09.2025 | 14:05
Ռյազանի մարզի տարածքում լույս սեպտեմբերի 5-ի գիշերը ութ անօդաչու թռչող սարք է խոցվել։ Այս մասին հայտնել է մարզի ղեկավար Պավել Մալկովը, գրում է Meduza-ն։
Նրա խոսքով՝ բնակելի շենքերին կամ ենթակառուցվածքներին վնաս չի հասցվել, ոչ ոք չի տուժել։ Նա հավելել է, որ անօդաչու թռչող սարքերի բեկորներն ընկել են արդյունաբերական ձեռնարկության տարածքում։ «Հետևանքները վերացվում են», – ասել է նահանգապետը։
Ուժայինների հետ սերտ կապեր ունեցող Shot տելեգրամ ալիքը, հղում անելով Ռյազանի բնակիչներին, հաղորդել է քաղաքի հարավային ծայրամասում տեղի ունեցած պայթյունների և հրդեհի մասին: BBC-ի ռուսական ծառայությունը նշում է, որ Ռյազանի հարավում գտնվում է նավթավերամշակման գործարանը։ Այն, որ ուկրաինական ԱԹՍ-նը հարձակվել են Ռյազանի նավթավերամշակման գործարանի վրա,հաստատում է Կիևը։ Այս մասին հայտարարել է Ուկրաինայի ԶՈւ-ի անօդաչու համակարգերի հրամանատար Ռոբերտ Բրովդին։ Նրա խոսքով՝ հարձակման է ենթարկվել նաև օկուպացված Լուգանսկի նավթաբազան։
Astra տելեգրամ ալիքի տեղեկություններով անօդաչու թռչող սարքի հարձակումից հետո Ռյազանում այրվում է նավթավերամշակման գործարանը։ Հրդեհի մասին պաշտոնական տեղեկատվություն չկա։
Ռուսաստանի պաշտպանության նախարարությունը հայտնել է, որ գիշերվա ընթացքում ՀՕՊ ուժերը որսացել և ոչնչացրել են 92 ուկրաինական անօդաչու թռչող սարք։
Թարգմանությունը՝ Էմմա Չոբանյանի
