17.02.2026 | 18:19
Բևեռացումը բերել է նրան, որ 2 եղբայր իրար վրա զենք են քաշում․ Իզաբելլա Սարգսյան․ ՏԵՍԱՆՅՈՒԹ
Թրամփը նախատեսում է առաջիկա օրերին զրուցել Պուտինի և Զելենսկիի հետ
Քաղաքականություն
03.09.2025 | 23:00
ԱՄՆ նախագահ Դոնալդ Թրամփը հայտնել է, որ պատրաստվում է հեռախոսազրույց ունենալ Ռուսաստանի նախագահ Վլադիմիր Պուտինի հետ:
«Ես կխոսեմ նրա հետ առաջիկա օրերին և հստակ կիմանամ, թե ինչ է կատարվում»,- Թրամփի խոսքերն է մեջբերում Reuters-ը:
Լրագրողները նաև հարցրել են Թրամփին, թե ինչ ուղերձ ունի նա Պուտինին, Թրամփը պատասխանել է. «Ես ոչ մի ուղերձ չունեմ նախագահ Պուտինին։Նա գիտի, թե ինչ դիրքորոշում ունեմ, և նա այս կամ այն որոշումը կկայացնի։ Կախված նրանից, թե նա ինչ որոշում կկայացնի, մենք կամ գոհ կլինենք նրանից, կամ դժգոհ կլինենք, իսկ եթե դժգոհ լինենք, ապա կտեսնեք, թե ինչ կլինի»։
Թրամփը սեպտեմբերի 4-ին հեռախոսազրույց կունենա Վլադիմիր Զելենսկիի և «Ցանկացողների կոալիցիայի» հետ: Դա տեղի կունենա Փարիզ այցի ժամանակ, հայտնում է DW-ի թղթակիցը ։ Սպասվում է նաև, որ ուկրաինական պատվիրակությունը բանակցություններ կվարի Դոնալդ Թրամփի հատուկ բանագնաց Սթիվ Ուիթկոֆի հետ:
