Արարատ լեռան ստորոտին պատմական հայկական գերեզմանատունը ոչնչացման եզրին է. մարդկային ոսկորներ են հայտնաբերվել․ ՏԵՍԱՆՅՈՒԹ

Արարատ լեռան ստորոտին՝ Թուրքիայի Իգդիր նահանգի Աքորա գյուղի պատմական հայկական գերեզմանատունը ոչնչացման եզրին է։ Հայտնաբերվել են բազմաթիվ մարդկային ոսկորներ, որոնք սպասում են հետագա ուսումնասիրության, հայտնում են թուրքական լրատվամիջոցները։

Աքորա (Ակոռի) գյուղը գտնվում է Արալըք շրջանում: Գյուղը Արարատ լեռան հյուսիսային լանջերին է։ Մոտակայքում է գտնվում Ահուրա գերեզմանատունը, որը հայտնի է որպես հին հայերին: Տարածքը հայտնի է որպես հայկական բնակավայր և վանք: Այսօր գյուղում քրդեր են ապրում են:

Նշվում է, որ որոշ քարեր կոտրվել կամ կորել են, գերեզմանաքարերը փոխել են գույնը: Դրանց վրա խաչեր են պատկերված, որոնք քրիստոնեության խորհրդանիշ են:

Այս գերեզմանատունը, որը մի ժամանակ հայտնի էր որպես Ակորա (Ահուրա) վանք, այժմ անտեսված է և ոչնչացման վտանգի տակ է։

Գերեզմանատան ամենաակնառու տարրը մարդկային ոսկորների առկայությունն է: Մեկ գերեզմանի երկու քարերի միջև մեծ քանակությամբ մարդկային ոսկորներ են երևում: Այս ոսկորների վերաբերյալ դեռևս որևէ հետաքննություն կամ գիտական ​​ուսումնասիրություն չի սկսվել։ Հայտնի չէ, թե ով է հավաքել այս ոսկորները կամ ինչու են դրանք թողնվել քարերի արանքում։ Ենթադրվում է, որ դրանք հավաքվել և թողնվել են գերեզմանատուն այցելողների կամ հովիվների կողմից։ Ասում են նաև, որ ոսկորները հանվել են գանձ որոնողների կողմից փորված գերեզմաններից։

Ajansa Welat-ին տրամադրված դատաբժշկական փորձագետների տվյալների համաձայն՝ խոսքը մարդկային ոսկորների մասին է, ոտքերի և ձեռքերի ոսկորներ են։

Գյուղի պատմության համաձայն՝ հայկական վանքը կառուցվել է 341 թվականին: 1840 թվականին տարածաշրջանում երկրաշարժ է տեղի ունեցել, և գյուղն ավերվել է։ Այն հետագայում վերակառուցվել է հին բնակավայրի մոտ:

Ակոռի գյուղը, շրջակա մի քանի գյուղերի հետ միասին, 1930 թվականին հայտարարվել է «Արգելված գոտի», տարհանվել, այստեղ մուտքն արգելվել է, սակայն հետագայում այս արգելքը վերացվել է։

Թարգմանությունը՝ Էմմա Չոբանյանի