Ի՞նչ է նշանակում՝ «Հաջորդ տարի Արցախում», հո մանկապարտեզի կրտսեր խմբի երեխեք չեք, սուտ և կեղծիք է․ Գեղամ Նազարյան․ ՏԵՍԱՆՅՈՒԹ

Սեպտեմբերի 2-ը Արցախի անկախության հռչակման օրն է։ ԱԺ պատգամավոր Գեղամ Նազարյանին Factor TV-ի տաղավարում հարց ուղղեցինք՝ այս օրն իր համար տոնակա՞ն է, թե՞ ավելի շատ ողբերգական շերտ է տեսնում։ Կա տեսակետ՝ խնդիրն այն էր, որ Արցախի թեման դարձվեց հայ դատի մի մաս, որ ֆիդայական ազգային-ազատագրական պայքարի վերածվեց՝ իրավունքների պաշտպանության խնդրի շուրջ լուծումներ գտնելու փոխարեն։ Սրանք հակադիր տեսակետներ են։

Բռնի տեղահանություն չէ՞ր լինի, եթե թշնամանքն այնքան խորացած չլիներ, որ հայերի և ադրբեջանցիների՝ Արցախում համատեղ ապրելու սցենարն անհավանական դարձած չլիներ։ Եվ ինչո՞ւ արցախյան շրջափուլն այսպիսի ավարտ ունեցավ՝ բռնի տեղահանություն շուրջ 150,000 հայերի, տարածքի նկատմամբ Ադրբեջանի ամբողջական վերահսկողություն։

«Սեպտեմբերի 2-ը դարձավ տխուր հիշատակման օր, որովհետև այդ օրը հիշելիս՝ հիշում ես նաև սեպտեմբերի 23-ը, 24-ը։ Մեզ խաբեցինք, թե ինչո՞ւ փոխզիջեմ, եթե տարածքներից դոլարավոր եկամուտներ ունեինք։ Մինչդեռ աշխարհը մեզ ասում էր՝ տղե՛րք, դա ՀՀ-ի մաս չենք կարող ճանաչել, մենք մեզ խաբեցինք, ասացինք՝ կհաղթենք ՌԴ-ին, ԱՄՆ-ին, Թուրքիային և Ադրբեջանին, դուրս եկանք աշխարհի դեմ։ Դեռ որևէ արցախցուց չեմ լսել, ասի՝ ուզում եմ Արցախ գնալ, գիտեն, որ մոտ տարիներին չի լինելու՝ Ադրբեջանին չենթարկվի Արցախը, ասում են՝ թողեք հանգիստ ապրենք, հանգիստ թողեք մեզ։ Ով գրում է՝ «Հաջորդ տարի Արցախում», հասկանո՞ւմ են՝ Ադրբեջանին ինչ նվեր են մատուցում․ Ալիևն ասելու է՝ տարածքային պահանջ ունեն իմ նկատմամբ, ռազմական բյուջե ենք ավելացնում։ Ի՞նչ է նշանակում՝ «Հաջորդ տարի Արցախում», հո մանկապարտեզի կրտսեր խմբի երեխեք չեք, միայն պատերազմով է դա հնարավոր, թե՞ մտածում են՝ Ալիևն ասելու է՝ կոպիտ սխալ եմ արել, հետ եկեք, անկախություն եմ ճանաչում։ Սուտ և կեղծիք է»,- ասաց Գեղամ Նազարյանը։

Հարցազրույցն ամբողջությամբ՝ տեսանյութում։

Ռոբերտ Անանյան