13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Հայաստանում մշակաբույսերի ցանքատարածությունները կրճատվել են
Տնտեսություն
01.09.2025 | 15:55
Հայաստանում գյուղատնտեսական հիմնական մշակաբույսերի ցանքատարածությունները տարեցտարի կրճատվում են։ Վիճակագրական կոմիտեի տվյալներով՝ 2025 թվականին ցանվել են 110,209 հա հացահատիկային և հատիկաընդեղենային մշակաբույսեր, որը 2024-ի համեմատ պակաս է 5,3%-ով, իսկ 2021-ի համեմատ՝ 11,6%-ով։
Տեխնիկական մշակաբույսերի ցանքատարածությունը 2025-ին 809 հա է, իսկ 2024-ի համեմատ պակաս է 9,6 %-ով, իսկ 2021-ի համեմատ՝ 40,4%-ով։
Կարտոֆիլ այս տարի ցանվել է 16,175 հա-ի վրա, որը 2024-ի համեմատ պակաս է 7,4%-ով, իսկ 2021-ի համեմատ՝ 19,3%-ով։
Բանջարանոցային մշակաբույսերի ցանքատարածությունը 2025-ին 17,008 հա է, 2024-ի համեմատ՝ ,․9 %-ով, իսկ 2021-ի համեմատ՝ 11,3%-ով պակաս։
Կերային մշակաբույսերի ցանքատարածությունն այս տարի 47,986 հա է, ինչը 2024-ի համեմատ պակաս է 95%-ով, 2021-ի համեմատ՝ 13,8%-ով։
Նախորդ տարվա համեմատ՝ 2025 թվականին 5,5%-ով ավելացել է միայն բոստանային մշակաբույսերի ցանքատարածությունը՝ կազմելով 3,984 հա, սակայն 2021-ի համեմատ այն կրճատվել է 11,9%-ով։
Գայանե Խաչատրյան
