04.11.2026 | 21:59
Ալեք Մանուկյան փողոցում երթևեկության կազմակերպման փոփոխություն կկատարվի
Կառավարությունում ով իմ դիրքորոշմանը հակասող դիրքորոշում ունենա, թող դիմում գրի՝ դուրս գա. Նիկոլ Փաշինյան․ ՏԵՍԱՆՅՈՒԹ
28.08.2025 | 14:44
Ո՞վ է ասել, որ կառավարությունն ընդունում է, որ Ստոկհոլմի արբիտրաժային դատարանի որոշումը պարտադիր կատարելի է։ Այս մասին Կառավարության նիստից հետո լրագրողների հետ ճեպազրույցում հայտարարեց ՀՀ վարչապետ Նիկոլ Փաշինյանը՝ արձագանքելով լրագրողի դիտարկմանը, թե Կառավարությունն ընդունել է, որ ՀԷՑ-ի վերաբերյալ արբիտրաժային դատարանի որոշումը պարտադիր կատարման ենթակա է։
«Կառավարությունը ես եմ, չի կարող որևէ մեկն իմ դիրքորոշմանը հակասող դիրքորոշում ունենա: Ընդհանրապես, կառավարությունում եթե մարդիկ կան, որ իմ դիրքորոշմանը հակասող դիրքորոշում ունեն, հենց հիմա թող դիմում գրեն, շենքերից դուրս գան, եթե՝ ոչ, ես ինքս նրանց կհանեմ»,- հայտարարեց Փաշինյանը։
Նրա պնդմամբ՝ արբիտրաժային դատարանում կառավարությունը հաղթել է, և իրենց դիրքորոշումները պնդել են:
Հիշեցնենք, որ ԱԺ-ն ընդունել է «Հայաստանի էլեկտրական ցանցեր» ընկերության պետականացմանը միտված նախագիծ։ Մինչ այդ, ՀԷՑ-ի պետականացման անհրաժեշտության մասին խոսել էր Նիկոլ Փաշինյանը։ Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը ՀԷՑ-ի ժամանակավոր կառավարիչ է նշանակել Ռոմանոս Պետրոսյանին։
ՀԷՑ-ի սեփանակատերերը դիմել են Ստոկհոլմի արբիտրաժային դատարան՝ վիճարկելով ՀՀ իշխանությունների որոշումները։ Ստոկհոլմի արբիտրաժը հաստատել է ՀԷՑ-ի բռնագրավումն արգելող որոշման պարտադիր լինելը։
Նշենք, որ ՀՀ Կառավարությունը 3 մլն 250 հազար դոլար կհատկացնի ԱՄՆ-ում գործող Arnold&Porter ընկերությանը՝ ՀԷՑ-ի գործով Ստոկհոլմի արբիտրաժային դատարանում Հայաստանի Հանրապետության շահերի ներկայացվածության ու պատշաճ պաշտպանության ապահովման նպատակով:
Մանրամաաները՝ տեսանյութում։
Մանյա Պողոսյան
