10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Պատերազմ չի լինելու, Ալիևը չի հարձակվելու «Թրամփի ուղու» վրա․ դա ԱՄՆ-ի դեմ պատերազմ կնշանակի․ Արամ Սարգսյան․ ՏԵՍԱՆՅՈՒԹ
Քաղաքականություն
27.08.2025 | 22:00
«Հանրապետություն» կուսակցության նախագահ Արամ Սարգսյանը Factor TV-ի հետ զրույցում պնդում է, որ ԱՄՆ-ում օգոստոսի 8-ի փաստաթղթերի ստորագրումով էականորեն նվազում է ՀՀ-ի դեմ Ադրբեջանի պատերազմի վտանգը, ավելի կոնկրետ՝ հետաձգվում է առնվազն 3 տարով, երբ ԱՄՆ-ում նախագահ կլինի Դոնալդ Թրամփը։
«Պատերազմը հետաձգվում է, Ալիևը չի բացառում՝ հայերն սկսեն հաջորդ պատերազմը, ուզում է բացառել դա հիմա։ ՀՀ-ն և Ադրբեջանը զինվելու են, պատերազմի վտանգը միշտ կա․ եթե հակառակորդը ուժեղ է՝ միշտ սպառնալու է։ Թուրքիան վայնասուն է դրել, թե Թրամփի ուղին իր դեմ է։ ԱՄՆ-ի գալով՝ թուրքական աշխարհի ուղին փակվում է։ Հարձակվել Մեղրիի ճանապարհի վրա՝ ԱՄՆ-ի դեմ պատերազմ կնշանակի, Թուրքիան և Ադրբեջանը չեն անի դա։ ԱՄՆ-ն կասեցրել է Ադրբեջանի ներխուժումը Ջերմուկ․ Ալիևի նոր պատերազմը կանխվում է Թրամփի այս թղթով»,- ասաց Արամ Սարգսյանը։
Ըստ նրա՝ քաղաքացին չի տեսնում, որ ՀՀ-ն կհաղթի Ադրբեջանին պատերազմում, Փաշինյանին չի հեռացնում, Իշխան Սաղաթելյանին չի դնում վարչապետ։
«ՀՅԴ-ն կենաց է ասում։ Եվլախում դաշնակցական չէ՞ր Ադրբեջանի հետ բանակցում․ Ալիևը Բաքու էր կանչում՝ մերժեցիք, բանակցեի՛ք»,- ասաց Սարգսյանը՝ արձագանքելով ՀՅԴ-ականների այն պնդումներին, թե իրենք կհրաժարվեն Վաշինգտոնում նախաստորագրված խաղաղության համաձայնագրից, եթե իշխանության գան։
Հարցազրույցն ամբողջությամբ՝ տեսանյութում։
Ռոբերտ Անանյան
