04.10.2026 | 20:00
1700 տոննա աղբ՝ օրական․ ինչ գնով է մաքրվում Երևանը. աղբահանության ՇԵՐՏԵՐԸ․ ՏԵՍԱՆՅՈւԹ
Պաշտպանը միջնորդեց Իսակովի պողոտայի գործով Սերժ Սարգսյանի նկատմամբ քրեական հետապնդումը դադարեցնել․ ՏԵՍԱՆՅՈՒԹ
Հասարակություն
26.08.2025 | 16:58
Հայաստանի երրորդ նախագահ Սերժ Սարգսյանի պաշտպան Ամրամ Մակինյանն այսօրվա դատական նիստի ընթացքում միջնորդեց Սարգսյանի նկատմամբ դադարեցնել Իսակովի պողոտայի գործով քրեական հետապնդումը: Ըստ պաշտպանի՝ այս գործով առնվազն 2019 թվականից քննիչն ու դատախազը միջոցներ են ձեռնարկվել Սերժ Սարգսյանի կողմից ենթադրյալ հանցանքի կատարման վերաբերյալ ապացույցներ ձեռք բերելու ուղղությամբ: Հենց այս փուլից սկսած, ըստ Մակինյանի քողարկված հետապնդում է իրականացվել Սերժ Սարգսյանի նկատմամբ:
Պաշտպանի պնդմամբ՝ Սարգսյանին վերագրվող արարքը կոռուպցիոն բնույթ ունի, և պետք է քննվեր այն ժամանակ գործող Հատուկ քննչական ծառայությունում, մինչդեռ քննվել է ԱԱԾ քննչական դեպարտամենտում, այսինքն՛ ըստ պաշտպանի, գործը քննվել է ոչ պատշաճ սուբյեկտի կողմից:
Հանրային մեղադրողներ առարկեցին միջնորդության դեմ, դատարանը նշեց, որ այս միջնորդությունը չի կարող նախնական դատալսումների փուլում՝ առանց ապացույցների հետազոտման լուծվել, ուստի այս փուլում մերժեց միջնորդությունը:
Մանրամասները՝ տեսանյութում:
